Хиймэл оюунаар бүтээсэн, төөрөгдүүлсэн тайлбартай бичлэг түгээжээ

#FactCheckedByMFCC | Шалгасан кэйсийн дугаар #1185

Шалгасан: MFCC
2024-11-01

Checked by: MFCC

Ерөнхий агуулга

“Halloween Англид” гэх тайлбартайгаар богино хэмжээний бичлэгийг түгээжээ.

Баримт шалгалтын үр дүн

Шалгасан бичлэгийг @ifonly.ai ТикТок хаяг Midjourney хиймэл оюун ухаанаар бүтээсэн. Хиймэл оюунаар бүтээсэн гэх тэмдэглэгээг хийлгүй төөрөгдүүлсэн тайлбартай бичлэгийг түгээжээ.

2024 оны 10-р сарын 31-нд facetv.mn нэртэй хуудаснаас “Halloween Англид” гэх тайлбартайгаар богино хэмжээний бчилэгийг түгээжээ. Тус бичлэг нь нийт 1,100 гаруй реакц, 22 сэтгэгдэл авч, 171 удаа цааш түгээгдсэн байна.

FACTCHECK: Бид дараах байдлаар баримт шалгалт хийлээ

Бичлэгийн хэсгийг Google Lens хайлтын системээр хайхад Лондонд Halloween гэх тайлбартайгаар бусад улс орнуудын сошиал медиад мөн олон дахин түгсэн байна. Үргэлжлүүлэн “Лондонд Halloween” гэх түлхүүр үгээр хайхад бичлэгийн эх хувилбарыг оллоо. Бичлэгийн эх хувилбар 2024 оны 10-р сарын 21-нд @ifonly.ai ТикТок хаягт “Halloween-оор Лондон чөтгөр шиг хувцасласан бол. Хиймэл оюун ухаанаар үүсгэсэн зургууд (Midjourney • Magnific AI • Firefly • Kling AI)” гэх тайлбартайгаар нийтэлжээ. @ifonly.ai хаяг нь хиймэл оюун ухаанаар бүтээл хийдэг бөгөөд Midjourney гэх хиймэл оюун ухааныг ашиглан дүрслэлүүдийг бүтээдэг байна. Тус хаягт шалгасан мэдээлэлтэй ижил төрлийн зураг бичлэг олон байгааг доорх зургаас харж болох юм.

Мөн Фэйсбүүк платформд хиймэл оюун ухаанаар бүтээсэн бичлэг, зургийг нийтлэхдээ “Made with AI” буюу “Хиймэл оюун ашигласан” гэх шошго тавихыг Мета компанийн зүгээс шаардаж байгаа. Хэрэв энэ сонголтыг идэвхжүүлж, олон нийтэд хиймэл оюун ашигласан гэх мэдээллээ хүргээгүй бол тухайн контент хуурамч мэдээлэл агуулсан эсэхээс үл хамааран алгоритм ажиллаж, хязгаарлалт хийх юм. Бид энэ тухай мэдээллийг өмнөх баримт шалгалт болон “Мета компани Инстаграм болон Фэйсбүүк дээрх хиймэл оюун ухаанаар бүтээсэн зургуудад тэмдэглэгээ байршуулдаг болно” гэх мэдээллээр хүргэсэн.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Google Lens хайлтын илэрц

Бичлэгийн эх хувилбар

@ifonly.ai ТикТок хаяг

““Made with AI” буюу “Хиймэл оюун ашигласан” гэх тэмдэглэгээг постдоо оруулаарай” баримт шалгалт

“Мета компани Инстаграм болон Фэйсбүүк дээрх хиймэл оюун ухаанаар бүтээсэн зургуудад тэмдэглэгээ байршуулдаг болно” мэдээлэл

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.