2024 оны 09 сарын 09-ний өдөр “Жастин Бибер автомашины ослоор нас баржээ” гэх агуулга бүхий зурагтай пост түгээжээ. Дуучныг үхсэн гэх мэдээллийг хэд хэдэн хаяг (энд бас энд) түгээн осолд орсон машины зураг болон эмнэлгийн ажилтнуудын зургийн хамт түгээжээ.
FACTCHECK: Бид дараах байдлаар баримт шалгалт хийлээ
Бид мэдээлэлд ашигласан зургийг хайхад 2011 онд Японд болсон хурдны зам дээр болсон 11 спорт загварын автомашины ослын талаар мэдээ гарч ирсэн юм.
Мөн дараагийн зургийг буюу хамгаалалтын хувцастай эмч нарын зургийг хайхад ковид-19 вирусийн эсрэг эмчилгээний сургалтын товхимол (хуудас 10) дээрх зураг илэрцээр гарч ирсэн.
Жастин Биберийн үхсэн гэх хуурамч мэдээлэл нь өмнө нь тархаж байсан ба 2023 онд Snopes зэрэг баримт шалгах байгууллагууд ор үндэсгүй болох талаар мэдээлж байжээ. Түүнчлэн, дуучны үхлийн талаар ямар нэг баталгаатай эх сурвалж бүхий хэвлэл мэдээллийн байгууллага мэдээлээгүй байгаа ба хэрвээ түүний үхсэн тухай мэдээлэл үнэн бол олон улсад шуугиан тарих үйл явдал болох юм. Харин энэ удаа түүнийг үхсэн гэх мэдээлэл нь 2011 оны Японд болсон автомашины осол болон огт холбоогүй ковид-19 вирусийн эмчилгээний гарын авлага дээрх зургийг ашиглан Жастин Бибер автомашины ослоор нас барсан хэмээн хуурамч мэдээлэлт түгээжээ.
