"Gobi Festival 2024" гэх бичлэг Монголд биш Хятадын "Хавирган сар"-ны баярын бичлэг

“Gobi Festival 2024” гэх бичлэг Монголд биш Хятадын “Хавирган сар”-ны баярын бичлэг

#FactCheckedByMFCC | Шалгасан кэйсийн дугаар 1104

Шалгасан: MFCC
2024-08-30

Checked by: MFCC

Ерөнхий агуулга

Говьд болж буй фестиваль гэх агуулга бүхий тайлбартайгаар богино хэмжээний бичлэг түгээжээ.

Баримт шалгалтын үр дүн

Шалгасан бичлэгт байрлах газар нь Монголд биш Хятадын Ганьсу мужид байрлалтай Мингша уулсын Хавирган сар гэх газарт болж буй тоглолт юм.

2024 оны 08-р сарын 21-нд Самданнямын МӨНХЧУЛУУН нэртэй хаягаас “GOBI COMPLEX – Gobi Festival 2024 гоё болж байнаа.Та нар сайхан амраарай!” гэх тайлбартайгаар говь нутагт тоглолт болж буй мэт богино хэмжээний бичлэгийг түгээжээ. Тус бичлэг нь нийт 7,500 гаруй реакц, 205 сэтгэгдэл авч, 475 удаа цааш түгээгдсэн.

Хэдийгээр постолж буй хэрэглэгч бодит байдлыг бус, албаар зохиомол тайлбар тавьж егөөдсөн ч хүлээж авч байгаа байдал нь олон нийтийг төөрөгдүүлсэн ойлголт төрүүлсээр байгаа нь идэвхжүүлэлтээс харагдаж байна. Тиймээс бодит байдлыг олж болох хялбар аргыг хуваалцлаа.

FACTCHECK: Бид дараах байдлаар баримт шалгалт хийлээ

Шалгасан бичлэгийн хэсгийг Google Lens хайлтын системээр хайхад гарч ирсэн илэрцүүд дунд “Мингша уулын Хавирган сарны нуур” гэх тайлбартай youtube бичлэгийг @BrianrottDaily гэх youtube сувагт нийтэлжээ.

Үргэлжлүүлэн “Мингша уулын Хавирган сарны нуур”, “Мингша уулын Хавирган сар нуурын фестиваль” гэх түлхүүр үгээр хайхад @vlgruon youtube сувагт 2024 оны 7-р сарын 06-нд “2024 оны Мингша уулын хавирган сарны баяр” гэх тайлбартайгаар шалгасан бичлэгтэй төстэй бичлэгийг нийтэлжээ.

Шалгасан бичлэгт хавирган сар хэлбэртэй нуур байгааг доорх зургаас харж болох юм.

Мингша уулын хавирган сарны нуур нь Хятадын баруун хойд Ганьсу мужийн Дунхуан хотод байрлалтай байдаг. Доорх зураг нь Мингша уулын хавирган сарын нуурын 2023 оны зуны зураг бөгөөд жуулчид зуны улиралд зорин очиж тоглолт үздэг байна.

Мөн Douyin (хятадын Тикток хувилбар)-аас “Мингша уулын хаврын хавирган сарны баяр” (鸣沙山月牙春节) гэж хайхад шалгасан бичлэгтэй төстэй өөр өөр өнцгөөс авсан бичлэгүүдийг харж болох юм.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Google Lens хайлтын системийн илэрц

@BrianrottDaily youtube суваг

@vlgruon youtube суваг

Мингша уулын Хавирган сарны нуурын тухай мэдээлэл

https://news.cgtn.com/news/2023-06-02/Culture-and-nature-mingle-at-Mingsha-Mountain-Crescent-Spring-1kj1KDJTQkw/index.html
https://www.chinadiscovery.com/gansu/dunhuang/mingsha-mountain-crescent-lake.html
https://english.news.cn/20230809/a4f9ce1510554fbd904989e95b9aeddf/c.html

Douyin (хятадын Тикток хувилбар)-аас хайсан илэрц (鸣沙山月牙春节)

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.