Хоёр тамирчинг эмэгтэй боксын ДАШТ-ээс хассан ч Олимпод оролцуулах болсон

#FactCheckedByMFCC | Шалгасан кэйсийн дугаар 1061

Шалгасан: MFCC
2024-07-31

Checked by: MFCC

Ерөнхий агуулга

“Эрэгтэй боловч өөрийгөө эмэгтэй гэж боддог Имане Хэлиф гэдэг залуу маргааш олимпын рингэнд эмэгтэйчүүдтэй өрсөлдөнө” хэмээн түгээжээ.

Баримт шалгалтын үр дүн

ОУОХ “Хүйсийг зөвхөн хромосомоор тодорхойлох боломжгүй, мөн манай бүх дүрэм журамд харшлах зүйл байхгүй тул Хэлиф болон Юу-Тинг нар тэмцээндээ оролцоно” гэж мэдэгджээ.

2024 оны 7 дугаар сарын 31-ний өдөр Zayas Xbet нэртэй Фейсбүүк хэрэглэгч “Эрэгтэй боловч өөрийгөө эмэгтэй гэж боддог Имане Хэлиф гэдэг залуу маргааш олимпын рингд эмэгтэйчүүдтэй өрсөлдөнө” хэмээн түгээжээ. Тус пост нь 76 реакц, 15 сэтгэгдэл авч, 56 удаа цааш түгээгджээ.

Алжир улсын эмэгтэй боксын тамирчин Имане Хэлиф болон Тайваны эмэгтэй боксын тамирчин Лин Юу-Тинг нарыг Олон Улсын Боксын Холбоо 2023 оны боксын ДАШТ-ээс хүйсийн асуудлаас болж хассан билээ. Учир нь “Хэлиф болон Юу-Тинг нараас эр буюу XY хромосом илэрсэн” хэмээн ОУБХ-ны ерөнхийлөгч Юмар Клемлев ОХУ-ын хэвлэл мэдээллийн алба TASS-д өгсөн ярилцлагадаа мэдэгджээ.

Олон Улсын Олимпын Хорооны хувьд Олон Улсын Боксын Холбоо нь хүлээн зөвшөөрөгдсөн байгууллага бус тул тэдний гаргасан шийдвэр хамаагүй гэж үзжээ. ОУОХ “Ганц хромосомоор хүйсийг тодорхойлох боломжгүй. Боксын төрөлд оролцож буй бүх тамирчид Парис 2024 боксын журмын 1.4 болон 3.1-д заасан тэмцээнд оролцох эрх болон элсэлтийн дүрэм, мөн эрүүл мэндийн шаардлагыг бүгдийг нь хангасан” хэмээн мэдэгджээ.

3.1-т эрүүл мэндийн үзлэг, бичиг баримтуудаас гадна эмэгтэй боксчид жирэмслэхгүй байх мэдэгдэлд гарын үсэг зурсан байхыг шаарддаг.

Дүгнээд хэлбэл, хоёр тамирчин хүйсийн асуудлаас болж 2023 оны боксын ДАШТ-д оролцох эрхээ хасуулсан ч, Олон Улсын Олимпын Хорооны дүрэм, журамд харшлах зүйл байгаагүй гэж үзсэн тул уг тамирчдыг Парис 2024 боксын эмэгтэй төрөлд оролцуулахаар болжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Парис 2024 боксын нэгжийн журам

Ройтерс агентлагийн гаргасан мэдээлэл

БНСУ-ын Maeil Business Newspaper-ийн нийтлэл

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.