Сургалтад зориулан компьютер графикаар хийсэн бичлэгийг "Үүрэг нуурт буй аварга биет" хэмээн төөрөгдүүлжээ

Сургалтад зориулан компьютер графикаар хийсэн бичлэгийг “Үүрэг нуурт буй аварга биет” хэмээн төөрөгдүүлжээ

#FactCheckedByMFCC | Шалгасан кэйсийн дугаар 1056

Шалгасан: MFCC
2024-07-31

Checked by: MFCC

Ерөнхий агуулга

“Үүрэг нуур, энэ юу вэ?” гэх гарчигтай далайд буй аварга биетийн бичлэгийг түгээжээ

Баримт шалгалтын үр дүн

Уг бичлэгийг Gnomon Workshop компьютер график ашиглан сургалтад зориулан хийжээ. Сургалтын талаар дэлгэрэнгүй болон бичлэгийг эх хувиар нь үзье гэвэл энд дарна уу.

2024 оны 7 дугаар сары 30-ны өдөр “ЭХ ОРНЫ ТРОЛЛ” нэртэй пэйж “Үүрэг нуур энэ юу вэ?” гэх гарчигтай рийл түгээжээ. Уг рийл нь 2400 гаруй реакц, 374 сэтгэгдэл авч, 347 удаа цааш түгээгдэж, 699 мянга гаруй удаа үзжээ.

FACTCHECK: Бид дараах байдлаар баримт шалгалт хийлээ

Түгээсэн мэдээлэлд ашигласан бичлэг нь “Gnomon Workshop” хэмээх өндөр чанарын компьютер графикийн сургалтыг цахимаар явуулдаг байгууллагаас гаргасан сургалтад зориулагдсан аж.

Сургалтыг Мигуэл Перез Сенент заах бөгөөд “Rogue One: A Star Wars Story”, “Avengers: Infinity War”, “Avatar: The Way of Water” зэрэг кинонуудын видео эффектүүд дээр ажиллаж байжээ.

Уг бичлэгийг Houdini, Nuke гэх 2 программ дээр хийсэн аж. Сургалтын талаар дэлгэрэнгүй болон бичлэгийг эх хувиар нь үзье гэвэл энд дарна уу.

Дүгнээд хэлбэл, Увс аймгийн Үүрэг нуурт буй аварга биет хэмээн компьютер графикаар хийсэн бичлэгийг ашиглан төөрөгдүүлжээ.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Шалгасан мэдээлэл

Эх сурвалжууд

Gnomon Workshop комъпютер графикийн цахим сургалтын вэбсайт

Gnomon Workshop-оос гаргасан цахим сургалтын бичлэг

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.