2024 ны зургаа дугаар сарын 23-нд Ulstur.com нэртэй хуудаснаас “Орост хар шуурган дунд ийм зүйл харагджээ. Энэ юу вэ?”гэх тайлбартайгаар далан эрэг дээр үл мэдэгдэх аварга биет үзэгдэж буй мэт богино хэмжээний бичлэгийг түгээжээ. Тус бичлэг нь нийт 3,800 гаруй реакц, 714 сэтгэгдэл, авч,817 удаа цааш түгээгдэж, 588 мянга гаруй хэрэглэгч үзжээ.
FACTCHECK: Бид дараах байдлаар баримт шалгалт хийлээ
Шалгасан бичлэгт үзэгдэж буй үл мэдэх биетийн зургийг Google lens хайлтын системээр хайхад бичлэгийн эх хувилбар 2020 оны найдугаар сарын 16-нд @MoonProds youtube сувагт “Creatures from the End time” (төгсгөлөөс ирсэн амьтад) гэх тайлбартайгаар нийтлэгджээ. @MoonProds youtube суваг нь ижил төрлийн богино хэмжээний кино хийдэг аж. Youtube сувгийнхаа тайлбар хэсэгт VFX уран бүтээлч (visual effect) гэдгийг дурджээ. Өөрөөр хэлбэл, дижитал хэлбэрээр бодит мэт дүрлэлийг бий болгодог байна.
Шалгасан бичлэгт ашигласан дүрсийг эх хувилбартай нь харьцууллаа.
