Домогт хөлбөмбөгч Марадонагийн шарилыг үл хүндэтгэсэн ажилтнууд халдлагад өртөж, алагдсан худал

Шалгасан: MFCC
2020-12-01

Checked by: MFCC

Ерөнхий агуулга

Домогт хөлбөмбөгч Марадонагийн шарилтай зургаа авахуулсан буяны байгууллагын ажилтнуудын үйлдэлд олон нийт дургүйцлээ илэрхийлж, фанатуудын төлөөлөл тэднийг зодож хогийн саванд хийсэн ба 2 нь нас барж нэг нь хүнд байдалтай эмнэлэгт байна гэх ташаа мэдээлэл түгсэн. Уг мэдээлэлдээ нэгэн бичлэг хавсаргасан нь 2020 оны гуравдугаар сард интернэтэд байршуулсан өөр нэгэн хэргийнх байв. Алдарт хөлбөмбөгчийн шарилыг доромж утгаар ойлгогдохоор сэлфи хийсэн гурван ажилтныг халсан ба тэд цагдаагийн хамгаалалтад байгааг мэдээлсэн.

Баримт шалгалтын үр дүн

“Домогт хөлбөмбөгч Марадонагийн шарилыг үл хүндэтгэсэн ажилтнууд халдлагад өртөж, алагдсан”

2020 оны 11 дүгээр сарын 28-ны 22:59 цагт Twitter-т Мэндээ гэх хэрэглэгчээс “Талийгаач Марадонаг оршуулахын өмнө авсанд байхад нь сэлфи хийсэн буяны байгууллагын ажилтан 3 хүнийг “Бока хуниорс” багийн ультранууд олж залхаан цээрлүүлээд хогийн саванд хаяцан байсан гэнэ..

2 нь нас барж 1 нь биeийн байдал нь маш хүнд байгаа гэнэ…Тохиромжгүй газрын селфи.!” гэсэн утгатай оршуулгын газрын ажилтан Марадонагийн шарилын дэргэдэх зураг, мөн хогийн савнаас цогцос олж буй бичлэгийн зурагтай хамт постолсон. Энэ нь ХУДАЛ мэдээлэл бөгөөд өнөөдөр ч дэлхийн олон улсад түгээгдсээр байна.

Буяны байгууллагын ажилтан 3 хүнийг “Бока хуниорс” багийн ультранууд олж залхаан цээрлүүлээд хогийн саванд хаяцан байсан гэнэ…2 нь нас барж 1 нь биeийн байдал нь маш хүнд байгаа гэнэ.” гэх мэдээлэл худал болохыг дараах байдлаар шалгалаа.

Дэлхийн өнцөг булан бүрт хөлбөмбөг сонирхогч олон нийтийн дургүйцлийг хүргэсэн дээрх үйл явдалтай холбоотой ташаа мэдээлэл, нийтийг турхирсан уриалгууд гарсаар байна. Сошиал орчинд үнэн мэдээллийг түгээж, аюулгүй байдлаа хангацгаая.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

1. Хуурамч мэдээлэл www.bufale.net

2. Марадонагийн оршуулгын талаарх мэдээлэл

www.news.mn
www.talksport.com
www.sportbible.com
www.dailymail.co.uk

3. Олон нийтэд түгээгдсэн байдал

twitter.com/Mehmet231270

twitter.com/Mendee1111

twitter.com/CFCRoy_

twitter.com/1908Winko

4. Хогийн савнаас цогцос олдсон бичлэг www.smnoticias.com

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.