Голомт банкнаас мөнгөн дэмжлэг хэрэгтэй хүнд хандив өгнө гэх мэдээлэл худал

Checked by: MFCC

Ерөнхий агуулга

2022 оны 06 дугаар сарын 18-нд “GOLOMT BANK” нэртэй Facebook пэйжид “Манай банкнаас мөнгөн хандив хожоорой. Сарыг дуустал гэнэтийн бэлэг барина. Манай банк тусламж хэрэгтэй 200 хүнд 1,000,000 төгрөг хандивлана, энэ зурган дээр хэдэн тоо байгааг зөв хариулна уу…” гэсэн постыг 06 дугаар сарын 24-ны байдлаар 180 реакц дарж, 655 сэтгэгдэл үлдээж, 559 удаа цааш хуваалцсан байна.

Баримт шалгалтын үр дүн

2022 оны 06 дугаар сарын 18-нд “GOLOMT BANK” нэртэй Facebook пэйжид “Манай банкнаас мөнгөн хандив хожоорой. Сарыг дуустал гэнэтийн бэлэг барина. Манай банк тусламж хэрэгтэй 200 хүнд 1,000,000 төгрөг хандивлана, энэ зурган дээр хэдэн тоо байгааг зөв хариулна уу…” гэсэн постыг 06 дугаар сарын 24-ны байдлаар 180 реакц дарж, 655 сэтгэгдэл үлдээж, 559 удаа цааш хуваалцсан байна.

1. Хуурамч хаяг нээсэн байна

📌Мэдээлэл түгээж буй пэйж нь Голомт банкны логотой нүүр болон хавтасны зургийг ашигласан ба 2022 оны 06 дугаар сарын 18-нд нээсэн хаяг байна. Холбоо барих хэсэгтээ мэдээлэл оруулаагүй ба дээрх мэдээлэл анхны пост нь байна.
📌Харин Голомт банкны албан ёсны хаяг нь 2012 оны 02 дугаар сарын 9-нд “Голомт банк” нэртэй нээсэн ба 2020 оны 08 дугаар сарын 11-нд нэрээ Golomt Bank болгон өөрчилсөн 370,509 дагагчтай, холбоо барих дугаар, имэйл болон хаягаа газрын зураг дээр зааж үзүүлсэн мэдээллүүдийг багтаасан байна. Мөн “Голомт банк 1995 оны 3 сарын 6-ны өдөр арилжааны банкны үйл ажиллагаа эрхлэх зөвшөөрөлтэйгээр байгуулагдсан” гэх тайлбартай байна.

2. Хандалт авч, пэйж хөгжүүлэх зорилготой хуурамч мэдээлэл түгээж байна

Уг мэдээллийн сэтгэгдэл хэсэгт “Ялагч болох алхамууд” гээд,
1 – Энэ бичлэгийг 10 бүлэгт хуваа
2 – Надад мессеж илгээнэ үү
3 – Лайк ба Сэтгэгдэл бичих
4 – Манай хуудсыг дагаснаар та ялагч болсон эсэхээ шалгаарай” гэсэн байгаа нь пэйждээ хандалт авч, идэвхжүүлэх зорилгоор түгээж буй хуурамч мэдээлэл гэдгийг илтгэж байна.

✅ Нэмэлт зөвлөгөө:

👉Нэн түрүүнд мэдээлэл тавьсан эх сурвалжийн зурган дээр нь дараад, нээсэн огноо, постолсон зүйлс, бичсэн хэв маягийг шалгаж үзээд дараагийн алхамаа хийхээ шийдэх хэмжээний хартай байгаарай. Шалгаж буй мэдээлэл нь Гүүглийн орчуулгыг ашигласан байх магадлалтай хэл найруулгатай байгаа нь монгол хэл мэдэхгүй хүн хөтөлж байгаа гэж таамаглаж болохоор байна.


Аливаа мэдээллийг хуваалцахаасаа өмнө #ЭхлээдБод #Think1st


Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Leave a Reply

Your email address will not be published. Required fields are marked *

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.

Check document