Анхаар, тэтгэврийн нэмэгдэл ингэж бодогдоно гэх мэдээлэл төөрөгдүүлсэн

Шалгасан: MFCC
2022-04-21
Засварласан: 2024-11-05

Checked by: MFCC

Ерөнхий агуулга

2022 оны 04 дүгээр сарын 19-нд “Тэтгэврийн нэмэгдэл ингэж бодогдоно, дарж ороод…” гэсэн тайлбартайгаар холбоосыг Amway Mongol нэртэй пэйжид постолсон нь 234 реакц, 31 сэтгэгдэл авч, 189 удаа цааш хуваалцсан байна.

Баримт шалгалтын үр дүн

☝Анхаарал татсан гарчигтай, дарж орсон хандалтын тоогоор ашиг олдог click сайтуудын жишээ болох мэдээллийг сэрэмжлүүлж байна.
👉2022 оны 04 дүгээр сарын 19-нд “Тэтгэврийн нэмэгдэл ингэж бодогдоно, дарж ороод…” гэсэн тайлбартайгаар холбоосыг Amway Mongol нэртэй пэйжид постолсон нь 234 реакц, 31 сэтгэгдэл авч, 189 удаа цааш хуваалцсан байна.
📌Уг мэдээлэл нь “Өнөөдрөөс өндөр настнуудын тэтгэврийг нэмэгдсэн хэмжээгээр бодож, иргэдийн дансанд шилжүүлж эхэлжээ. Нийгмийн даатгалын сангаас олгож байгаа болон цэргийн алба хаасны тэтгэвэр авч байгаа тэтгэвэр авагчдын тэтгэврийн хэмжээг 15 хувиар нэмэгдүүлж байгаа. Ингээд НДС-аас олгох болон цэргийн алба хаасны бүрэн тэтгэврийн доод хэмжээг 500 мянган төгрөгөөр, хувь тэнцүүлэн тогтоосон тэтгэврийн доод хэмжээг 400 мянган төгрөгөөр шинэчлэн тогтоохоор Засгийн газраас шийдвэрлэсэн болохыг НДЕГ-аас мэдээллээ” гэсэн байна.

1. Өнгөрсөн 02 дугаар сарын 1-нд гарсан шийдвэрийг одоо болж буй үйл явц мэтээр агуулгыг ТӨӨРӨГДҮҮЛСЭН

✅Монгол Улсын Засгийн газрын 2022 оны 02 дугаар сарын 1-ний 63 дугаар тогтоолоор “Нийгмийн даатгалын сангаас олгох бүрэн тэтгэврийн болон цэргийн алба хаасны тэтгэврийн доод хэмжээг 500 000 (таван зуун мянган) төгрөгөөр, нийгмийн даатгалын сангаас олгох хувь тэнцүүлэн тогтоосон тэтгэврийн доод хэмжээг 400 000 (дөрвөн зуун мянган) төгрөгөөр тус тус шинэчлэн тогтоосугай” гэж заасны дагуу нэмэгдсэн хэмжээгээр одоо тооцож буй.

👉Харин энэ мэдээлэлд хугацааг тодорхой заагаагүйгээс дахин нэмэгдэх болсон мэтээр агуулгыг төөрөгдүүлжээ.

2. Мэдээллийн гарчигт “Та дарж ороод…” гэж оруулдаг нь хуурамч мэдээллийн гол шинжүүдийн нэг

👉Мэргэжлийн редакцын үйл ажиллагаанаас ялгаатай, агуулга, найруулгын алдаатай мэдээллүүдийг байнга оруулдаг, гарчигт үйлдэл хийхийг уриалдаг энэ төрлийн сайтуудын бусдаас ялгардаг нэг онцлог шинж нь “Та дарж ороод…” гэх уриалга хэрэглэдэг явдал юм.

📌Та бүхэн ямар ч содон гарчигтай, сонирхол татсан мэдээлэл байсан ч холбоосоор дарж орохыг уриалсан байвал татгалзаарай. Учир нь таны хандалт хуурамч мэдээллээр ашиг олдог этгээдүүдэд хувь нэмэр оруулдаг төдийгүй нууцлалгүй сайтаас хувийн мэдээллийг чинь авах хүртэл эрсдэлтэйг анхаараарай.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

Тэтгэврийн хэмжээг нэмэгдүүлэх тухай Засгийн газрын 2022 оны 02 дугаар сарын 1-ний 63 дугаартай тогтоол www.legalinfo.mn

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.