“Хүүгээ цэрэгт үдэж буй Украйн ээж” гэх зураг худал Зургаар хайх аргаар мэдээллээ нягтлаарай

Шалгасан: MFCC
2022-02-25
Засварласан: 2024-11-05

Checked by: MFCC

Ерөнхий агуулга

☝️ОХУ, Украины хооронд үүссэн ноцтой нөхцөл байдлын зэрэгцээ дэлхий даяар тархаж буй хуурамч мэдээллийн давалгаа хор хөнөөлийг улам нэмэгдүүлж болзошгүй байна. Дэлхийн баримт шалгагчид хуурамч мэдээллийг яаралтай шалгаж, Монголын цагаар 02 дугаар сарын 25-ны 10:00 цагийн байдлаар 147 баримт шалгалт хийж, тайлангаа нэгтгэсэн байна. Эдгээр нь Монгол Улсад хараахан тархаагүй зураг, бичлэг, агуулгууд байгаа тул бид хуурамч мэдээллийг түгээхгүйн тулд орчуулан хүргэхээс түдгэлзэн, ажиглаж байгаа болно.

Баримт шалгалтын үр дүн

📌 Монголын цахим хэрэглэгчдийн дунд ихээхэн тархсан нэгэн зургийг Lhagvasuren нэртэй Facebook хэрэглэгч манай чат бот-оор шалгуулах хүсэлт өгсөн юм. Уг мэдээлэл нь Х.Ган-Ялалт Мөрч.мн нэртэй Facebook хэрэглэгчийн хаягаас 02 дугаар сарын 24-нд 17:19 цагт оруулсан “18-хан настай хүүгээ дайнд үдэж буй украин ээжийн сэтгэл шимшрэм хором…” тайлбартай зураг юм.

🔍 Бид зургаар хайж бодит мэдээллийг олох зааварчилгааг дахин хүргэж байна.

1. Зургаар хайхдаа компьютерийн mouse-ийнхаа курсорыг зургийн хэсэгт байрлуулаад баруун гар талынх нь товч буюу mouse-2-ийг дарна. Гарч ирсэн цэснээс “Search image with Google Lens” буюу “Google Lens ашиглан зураг хайх” гэдгийг сонгоно.

📌 Ингэхэд тухайн зургийг ашигласан бүх илэрц гарч ирэх бөгөөд тэдгээрээс итгэлтэй эх сурвалжуудыг сонгон тайлбар болон хугацааг нь харна.

2. Энэ зургийн хувьд 1380 илэрц гарч ирснээс хамгийн баталгаат эх сурвалжаар BBC агентлагийн олон улс дахь сайтуудад нийтлэгдсэн тохиолдлыг авч үзлээ.

📌 Getty Images нь 415 сая зураг, бичлэг, контентын архивтай, 340 мянга гаруй нийлүүлэгчтэй, хорь орчим агентлагтай гэрээгээр ажилладаг, хэвлэл мэдээллийн хэрэгсэл, зар сурталчилгааны агентлаг, корпорацуудад контент нийлүүлдэг платформ юм.

Аливаа мэдээллийг хуваалцахаасаа өмнө #ЭхлээдБод #Think1st

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакцын hello@mfcc.mn имэйл хаягаар ирүүлнэ үү.

ЭХ СУРВАЛЖ, ХОЛБООТОЙ НИЙТЛЭЛҮҮД

1. Шалгасан мэдээлэл www.facebook.com

2. Зургийг ашигласан эх сурвалж www.bbc.com

3. Эх зураг www.gettyimages.com

Хуваалцах

Бид Олон Улсын Баримт Шалгагчдын Сүлжээ (International Fact-Checking Network)-ний ёс зүйн кодын дагуу аливаа мэдээллийг баримтаар баталгаажуулан шалгадаг. Баримтаар шалгасан мэдээллээ #ҮНЭН, #ХУДАЛ, #ТӨӨРӨГДҮҮЛСЭН, #БҮРЭН БУС, #ЭВЛҮҮЛЭГ, #ЕГӨӨДӨЛ гэсэн зургаан төрлөөр ангилж, олон нийтэд үнэн бодит мэдээлэл түгээн ажиллаж байна.