“Ooha” оргилуун ус болон “Амино” өндөгний талаар төөрөгдүүлсэн мэдээлэл түгээжээ
Шалгасан мэдээлэлд илчлэг болон амин хүчлийн талаар төөрөгдүүлсэн мэдээлэл түгээжээ. Ooha бүтээгдэхүүний “нүүрс ус – 3.8 гр” нь эритритолын хэмжээг илэрхийлж байгаа бөгөөд 5 ккал-аас бага илчлэгтэй бүтээгдэхүүнийг “калоригүй” гэж тэмдэглэх нь олон улсын стандартын дагуу зөвшөөрөгдсөн. Мөн “Амино” өндөгний амин хүчлийн агууламж нь лабораторийн шинжилгээгээр олон улсын дундаж үзүүлэлтээс өндөр гарсан нь “амин хүчлээр баялаг” гэж мэдээлж буй нь шинжилгээний дүн, лабораторийн нотолгоонд тулгуурласан тайлбар юм.
Танил брэнд, байгууллагын нэрийг ашиглан хандалтаа өсгөх зорилготой худал мэдээлэл түгээж байна
“Мини супермаркет” нэртэй Facebook хуудас нь “Миний сүлжээ” дэлгүүрийн албан ёсны хуудсыг дуурайлган, залилангийн шинжтэй мэдээлэл түгээжээ.
“Үнэт чулууны уурхайгаас шууд олборлолт” гэх залиланг репортолж, бусдад түгээхээс зайлсхийгээрэй
Цагдаагийн байгууллагаас цахим орчинд тархаж буй “үнэт чулууны сугалаа” нэртэй лайв, бичлэгүүдийг залилангийн шинжтэй хэмээн албан ёсоор мэдээлсэн. Мөн Мьянмарын хууль тогтоомжийн дагуу гадаад иргэд үнэт чулууны малтлага, олборлолт хийх нь хориотой байдаг.
Уран эсэргүүцэхэд уриалахын тулд төөрөгдүүлсэн зураг ашигласан мэдээллийг дахин түгээж байна
“Дорноговийн Улаанбадрах суманд ийм гажигтай хүүхэд төрөөд эхэлчихсэн” гэх мэдээлэлд өөр шалтгаанаар эмгэгтэй болсон гаднын улсын зураг ашигласан ба Монголд ураны олборлолт одоогоор эхлээгүй байна.
“Товлолт вакцинжуулалт гэх шинжлэх ухааны ойлголт байхгүй” гэх мэдээлэл худал
“Товлолт вакцинжуулалт” нь Монгол Улсад төдийгүй олон улсын эрүүл мэндийн байгууллагад албан ёсоор хэрэглэгддэг, шинжлэх ухааны үндэслэлтэй ойлголт юм. Монгол Улсын Засгийн газрын 2023 оны 472 дугаар тогтоолоор “Заавал хийх дархлаажуулалтын үндэсний товлол”-ыг баталсан байдаг. АНУ-ын Өвчний хяналт, урьдчилан сэргийлэх төвөөс “Хүүхэд, өсвөр насныхны товлолт дархлаажуулалт” нэршлээр албан ёсны зөвлөмж боловсруулдаг.
“Товлолт болон улаанбурханы вакциныг 4 нас хүртэл нь хийхийг хориглосон” гэх мэдээлэл төөрөгдүүлсэн
2025 оны 09 дүгээр сард АНУ-ын Эрүүл мэндийн сайд Роберт Ф. Кеннедигийн томилсон вакцины зөвлөх хороо 4 хүртэлх насны хүүхдэд MMRV хосолсон вакциныг зөвлөхгүй гэж санал өгч, MMR болон салхин цэцгийн вакциныг тус тусад нь хийхээр заасан.