2026 оны 09 дүгээр сарын 24-нд Нэгүүн.мн хуудсанд “Шатахуун тасалдах дөхсөн үед Монголбанкны дэд ерөнхийлөгч Г.Энхтайван ОХУ-тай хийсэн хэлэлцээг нураах дөхжээ…” гэх гарчигтай пост оруулжээ.

Вьетнамаас удирдлагатай хаягаас жин хасах нөлөөгүй бүтээгдэхүүнийг хэтрүүлэн сурталчилж, борлуулж байна. “Коллаген чиа үртэй кофе” гэх бүтээгдэхүүний орц, найрлагад дурдсан ургамлуудыг нэгтгэн судалсан нотолгоо байхгүй бөгөөд тус бүрийг дангаар нь авч үзэхэд жин хасах үр нөлөө баттай нотлогдоогүй.

“Дэлхийн шумуулын хөтөлбөр” эрүүл мэндийн байгууллагын үйл ажиллагааг хүн ам устгах төлөвлөгөө мэт тайлбарлаж, төөрөгдүүлсэн мэдээлэл түгээж байна. Энэхүү байгууллага нь Билл Гэйтсийн өмч биш бөгөөд шумуулаар халдварладаг денге, зика вирусийн халдвар, шар чичрэг, чикунгунья вирусийн халдвар гэх мэт өвчлөлийг бууруулах зорилгоор үйл ажилаагаа явуулж байна. “Дэлхийн шумуулын хөтөлбөр” нь халдварт өвчин тээгч “Aedes aegepti” шумуулын үржлийг бууруулах зорилготой бөгөөд тэрхүү шумуулны тоо хэмжээ тухайн бүс нутгийн өвчинд өртөх эрсдэл, хамрах хүрээнээс шалтгаалдаг байна.

2025 оны 11 сарын 09-нд Нарита-Улаанбаатар чиглэлийн онгоцонд болсон үйл явдлын бичлэгээс тастаж, төөрөгдүүлсэн тайлбартай түгээжээ.

Цайгаар цусны даралтыг түр хугацаанд тогтворжуулах магадлалтай ч батлагдсан эмчилгээний аргыг орлож чадахгүй. Түүнчлэн эмч, мэргэжлийн хүний дүр төрхийг дуурайлган бүтээсэн дүрээр хуурамч хаяг нээж, бүтээгдэхүүнээ сурталчилж байгаа нь үр дүн нь шинжлэх ухаанаар батлагдсан мэт хэрэглэгчдэд буруу ойлголт өгөх эрсдэлтэй.

“Талхыг хөлдөөж дараа нь гэсгээж идэхэд цусан дахь сахарыг 39%-иар бууруулдаг” хэмээн төөрөгдүүлсэн мэдээлэл түгээжээ. Учир нь одоогоор хийгдсэн байгаа судалгаагаар талхыг хөлдөөж, дахин халааж хэрэглэхэд цусан дахь сахарын хэмжээ шинэ талх идсэнтэй харьцуулахад харьцангуй бага байгааг харуулсан бөгөөд энэ нь сахарын хэмжээг шууд бууруулдаг гэсэн үг биш юм. 

Өвчин намдаах массажны бүсийг эмчилгээний хэмээн дэгсдүүлэн сурталчилж, төөрөгдүүлж байна. Нуруу өвдсөн тохиолдолд жин тавьж түр зуур өвчин намдаах боломжтой ч сурталчилгаанд дурдсан “биеэс хорт бодисыг гадагшлуулна, түрүү булчирхайн үрэвслийг дарна” гэх мэт эмчилгээ нь халдаг бүсээр хийх боломжгүй, хэтрүүлсэн мэдээлэл юм.

LDPE 4 тэмдэглэгээ нь зөвхөн гаднах уут, сав, баглааны тэмдэглэгээ бөгөөд доторх бүтээгдэхүүний тухай мэдээлэл биш юм. Мөн сөрөг ионтой ариун цэврийн хэрэглэл гэж сурталчилж буй бүтээгдэхүүн нь шинжлэх ухааны нотолгоогүй бөгөөд аюулгүй байдал, үр нөлөөг судалсан өргөн хүрээний судалгаа, клиник туршилт одоогоор байхгүй юм.  

Шалгасан мэдээлэлд бизнесийн компани бүтээгдэхүүнээ турших зорилготой хийсэн бага хүн хамруулсан, хянан магадалгаа хийгээгүй, захиалгат судалгааны үр дүнгийн тоон мэдээллийг оруулжээ. Кориандр (cilantro, coriander) ургамал нь хүний биеэс хүнд металлыг их хэмжээгээр гадагшлуулж, эмчилгээнд хэрэглэх боломжтойг шинжлэх ухаанаар батлаагүй. Хэдий кориандр ургамал хүний ерөнхий эрүүл мэндэд эерэг нөлөөтэй ч эмчид хандалгүй дур мэдэн эмчилгээний журмаар хэрэглэх нь нөхцөл байдлыг хүндрүүлэх, шаардлагатай эмчилгээг цаг тухайд нь авч чадахгүй байх эрсдэлтэй.

Аюулгүй байдлын баталгаагүй, албан ёсны үйлдвэрлэгч, борлуулагчийн мэдээлэлгүй бүтээгдэхүүнийг сурталчлан борлуулж байна. Хуянг бариа, халуун жин, төөнүүр, зүү гэх мэт аргуудаар арилгах боломжтой бөгөөд улайрч хавдах, томрох, толгой өвдөх зэрэг шинж тэмдэг илэрвэл мэргэшсэн эрүүл мэндийн байгууллагад хандах хэрэгтэй.

Бамбайн булчирхайн томрол, хавдрыг тосоос эмчилдэг болохыг баталсан судалгаа, туршилт огт байхгүй. Бамбайн булчирхай нь дотоод шүүрлийн системийн нэг хэсэг учраас томрол, зангилаа, хавдрын үед хүзүүнд тос түрхэж эмчлэх боломжгүй юм. Аливаа өвчин эмгэгийг богино хугацаанд бүрэн эдгээнэ гэж сурталчилж буй эрүүл мэндийн бүтээгдэхүүнийг шууд авч хэрэглэлгүй, эмнэлэгт хандаж, мэргэшсэн эмчээс зөвлөгөө аваарай.

Аюулгүй байдлын баталгаагүй, албан ёсны үйлдвэрлэгч, борлуулагч, орц найрлагын мэдээлэлгүй бүтээгдэхүүнийг сурталчлан борлуулж байна. Баталгаагүй бүтээгдэхүүн хэрэглэх нь бие махбодод сөргөөр нөлөөлөх эрсдэлтэй. Шүд өвдсөн үед өвчин намдаагч хэрэглэх, амаа давстай усаар зайлах, өвчтэй шүдийг зөөлөн арчлах гэх мэт аргаар түр хугацаанд өвчин намдаах боломжтой ч яаралтай эмнэлэгт хандаж, эмчид үзүүлэхийг зөвлөж байна.

2023 онд Шинжаан Уйгурын өөртөө засах орны Хэжин хошууны малчны гэр лүү баавгай дайрсан үеийн бичлэгийг Монголд мэтээр түгээжээ.

“Еврейчүүд Украины газар нутгийг эзэлж байна” гэх агуулга нь олон улсад өргөн тархсан хуйвалдааны онол, хуурамч мэдээллийн манипуляц юм. Украины Умань хотод Бреслов Хасидизмын хөдөлгөөнийг үндэслэгч Рабби Нахманы шарил байрладаг учраас жил бүрийн ес эсвэл аравдугаар сард еврейчүүд Рош Хашана буюу шинэ жилийн баяраа тэмдэглэж, мөргөл үйлдэхээр Умань хотыг зорьдог байна.

Шинэ гарсан iPhone утас авахын тулд улс орнууд хэдэн өдөр ажиллах шаардлагатайг тухайн улсын дундаж сарын цалинг ажлын 21,7 хоногт хуваан тооцоолон гаргасан графикийн гарчгийг өөрчилж, төөрөгдүүлжээ.

Гаднын удирдлагатай хуудсаас аюулгүй байдлын баталгаагүй тос ашиглан хэвлийг чангалах, цэвэршилт, PCOS (өндгөвчний олон уйланхайт хам шинж), тогтмол бус сарын тэмдэг зэрэг асуудлыг шийдэх боломжтой хэмээн төөрөгдүүлсэн мэдээлэл түгээжээ. Эдгээр үйл явцыг тосоор эмчлэх боломжгүй бөгөөд шинж тэмдэг илэрвэл мэргэшсэн эмчид хандахыг зөвлөж байна.

Вакцины эсрэг үзэл бодолтой улс төрчийн найдваргүй мэдээллийг эх сурвалж болгон авч, төөрөгдүүлсэн мэдээлэл түгээж байна. Монгол улсад 2026-2027 оны томуугийн улиралд хийж буй вакциныг БНСУ-аас оруулж ирж байгаа бөгөөд тус вакцины найрлагад тимеросал 0.01w/v% буюу аюулгүй хэмжээгээр агуулагдаж байна.

Хүрэн манжингийн хүний биед үзүүлэх үр нөлөөг дэгстүүлэн, хоолны нэмэлт бүтээгдэхүүнийг эмийн бүтээгдэхүүн мэт сурталчилж байна. Хүрэн манжин нь зүрх судасны эрүүл мэндийг дэмждэг, эрч хүч нэмдэг гэх олон сайн нөлөөтэй ч элгийг хоргүйжүүлэх, арьс цайруулах зэрэг үйлчилгээгүй. Мөн судасны хатуурал, хавдраас хүрэн манжин ашиглан урьдчилан сэргийлэх боломжтой эсэхийг судалгаагаар батлаагүй байна. Нэг бүтээгдэхүүнээр хэт олон, хоорондоо хамааралгүй өвчин зовуурийг арилгах нь эрүүл мэндийн хуурамч бүтээгдэхүүний шинж гэдгийг анхаараарай.

Вакцины эсрэг байр суурьтай, худал мэдээлэл тарааж мэргэжлийн гэрчилгээгээ хураалгасан эмчийн хийсэн вакцинжуулалт болон нас баралтын холбоог гаргаж чадаагүй, хамаарлыг тооцоолох арга зүйн томоохон алдаа гаргасан судалгааг баталгаатай үр дүн мэтээр түгээж байна.

Москва хотын Коммунарке дүүргийн 2070 дугаар сургуулийн гаднаас дарсан зургийг Монголд мэтээр төөрөгдүүлжээ. Жил бүр хичээлийн шинэ жилийн үеэр сошиал орчинд хандалтаа ихэсгэх, цаашлаад иргэдийн анхаарлыг сарниулах зорилготой төөрөгдүүлсэн, хуурамч мэдээлэл, зураг, бичлэг түгээх үзэгдэл ихэсдэг. Иймд аливаа мэдээлэлд шүүлтүүртэй хандаж шууд итгэхээсээ өмнө нягталж хэвшээрэй.

“DR.DEASH өвдөгний гель” гэх орц найрлага тодорхойгүй, үйлдвэрлэгч компани, гарал үүсэл зэрэг албан ёсны мэдээлэл байхгүй бүтээгдэхүүнийг хиймэл оюун ухаанаар бүтээсэн бичлэг ашиглан төөрөгдүүлсэн агуулгаар сурталчилж байна.

Үрчлээний тосны үр нөлөө болон танилцуулгыг хиймэл оюун ухаанаар бүтээж, бичлэгийн агуулгаар дамжуулан бүтээгдэхүүний үр дүнг дэгстүүлэн сурталчилж байна.

Үндэсний компаниуд нийгмийн хариуцлагын хүрээнд COP17 талуудын бага хурлын зохион байгуулалтад хандив өргөсөн байна. Энэ нь агуулгыг дэглэж, юу ярих, юуг ярихгүй зэргээр нөлөөлнө гэсэн үг биш юм. Учир нь COP17 талуудын бага хурлын агуулга, албан ёсны үйл явцыг институцийн зохион байгуулагч болох UNCCD-ийн Нарийн бичгийн дарга нарын газраас гаргаж, Монгол Улс газар дээрх дэд бүтэц, логистик болон хүлээн авагч талын зохион байгуулалтыг хариуцан ажилласан.

“Оюутолгой секундэд 8 тонн ус хэрэглэж байгаа” гэх төөрөгдүүлсэн мэдээлэл түгээжээ. Оюу толгойн 2026 оны II улирлын тойм мэдээнд дурдсанаар 2026 оны 06 дугаар сарын байдлаар усны бодит хэрэглээ нь секундэд 605.9 литр байна.

Микро-зүү эмчилгээ нь эмнэлэгийн нөхцөлд үс уналтын зарим төрөлд тодорхой үр дүн үзүүлсэн талаар судалгаа байгаа боловч эмчилгээний үр нөлөө, зүүний гүн, давтамжийн талаар нэмэлт судалгаа шаардлагатай байна. Мөн гэрийн нөхцөлд хэрэглэх микро-зүүт төхөөрөмжийг үс уналтын эмчилгээнд FDA одоогоор албан ёсоор зөвшөөрөөгүй. Түүнчлэн эмч, мэргэжлийн хүний дүр төрхийг дуурайлган бүтээсэн дүрээр бүтээгдэхүүнээ сурталчилж байгаа нь үр дүн нь шинжлэх ухаанаар батлагдсан мэт хэрэглэгчдэд буруу ойлголт өгөх эрсдэлтэй.

COP17 хурлын үеэр Сент-Китс ба Невис улсыг төлөөлөгч Доктор Эрик Брауны хэлсэн ган гачиг, хуурайшилтад өртөж буй жижиг арлын орнуудын нөхцөл байдал тусламж дэмжлэгийн тухай агуулгыг гуйвуулж, НҮБ-аас шууд ундны ус хүссэн мэт төөрөгдүүлжээ.

Хуучирсан үр дүнтэй судалгаа ашиглан төөрөгдүүлсэн мэдээлэл түгээж байна. Одоогийн байдлаар витамин нь хавдрыг бүрэн эдгээдэг, хавдартай хүний насыг уртасгадаг гэсэн баталгаа байхгүй бөгөөд зөвхөн мэргэшсэн эмч, эмнэлгийн зөвлөмжөөр эмнэлгийн эмчилгээнд хамрагдаж, урьдчилан сэргийлэх арга хэмжээг авахыг хүсье. 

“Тэгш, сондгой дугаарын хязгаарлалтыг зөрчсөн торгуулийг төлөхгүй гэж шүүхэд хандвал шууд ялна, хэмээн төөрөгдүүлсэн мэдээлэл түгээжээ. “Тэгш, сондгой дугаараар зорчих” зэрэг замын хөдөлгөөний хязгаарлалт тогтоох эрхийг Замын хөдөлгөөний аюулгүй байдлын тухай хуулиар Нийслэлийн Засаг даргад олгожээ.

“Дугархүү эмч” Facebook хаягаас түгээсэн”оройн цагаар төмс идэж жин хасах боломжтой” гэдэг нь төөрөгдүүлсэн мэдээлэл юм. Мөн үр дүнг нь баталсан гэх нотолгоо байхгүй туршилтыг мэдээлж, төлбөртэй групп уруу орохыг уриалсан ба нүүрс ус, жингийн хамаарлын талаар бүрэн бус мэдээ тарааж байна.

Шалгасан мэдээлэлд хавсаргасан зураг нь бензиний үнийн өсөлттэй холбоотой жагсаалын зураг биш, харин 2016 онд Өмнөд Солонгосын Ерөнхийлөгч Пак Гын Хэг албан тушаалаа урвуулан ашигласан хэргээр огцрохыг шаардсан олон нийтийн жагсаалын үеийн зураг байна. Түүнчлэн БНСУ-д 1997-1198 оны хооронд бензиний үнэ огцом өссөн боловч үүнтэй холбоотойгоор иргэдийн томоохон жагсаал, эсэргүүцэл өрнөсөн талаар мэдээлэл байхгүй байна.

Дархлаа дэмжих эрүүл мэндийн бүтээгдэхүүний үйлчилгээг харшлын эсрэг хэмээн сурталчилж, төөрөгдүүлсэн мэдээлэл түгээж байна. Чонын элэг жимс болон саримсны хүний биед үзүүлэх ашиг тус, үр нөлөө нь судалгаагаар батлагдсан боловч харшлын шинж тэмдгийг дарах, харшилгүй болгох гэдэг нь судалгаагаар батлагдаагүй, ургамлын харшил дарах үйлчилгээтэй гэх эцсийн дүгнэлт хийхэд хангалтгүй байна.

Гаднын улсаас админ удирддаг хуурамч хаягаар баталгаагүй бүтээгдэхүүн сурталчлан борлуулж байна. Сурталчилж буй нэмэлт бүтээгдэхүүний гол орц болох гинкго билоба хэмээх ургамлын нөлөөг шинжлэх ухаанаар бүрэн батлаагүй байгаа бөгөөд тус ургамлын хандыг их хэмжээгээр хэрэглэх нь зүрхний хэм алдагдах, толгой эргэх, харшил өгөх, суулгах зэрэг гаж нөлөөтэй байдаг.

Хэт өндөр халуурахад хүний биеийн эд эс үхдэг, мөн хэт халуун хоол идэх нь улаан хоолойн хавдарын эрсдэлийг нэмэгдүүлдэг. Гэхдээ харин халуун хоол идээд эсийн үхэлд хүргэсэн тухай нэг ч тохиолдол, судалгаа байхгүй.

07 дугаар сарын 30-наас эхлэн газрын тосны хайгуул хийх хүсэлтэй дотоод, гадаадын компаниудыг сонгон шалгаруулалтад хүсэлтээ ирүүлэх зар оруулсныг “сонгон шалгаруулалтаар зарах гэж байна” гэж төөрөгдүүлсэн байна. Газрын тосны хайгуул хийх талбаын хэмжээ 286,270 км² буюу Монголын 1,564,116 км² газар нутгийн ойролцоогоор 1/5 байна.

Олон улсын эрүүл мэндийн байгууллагуудаас сенна ургамал агуулсан эм бэлдмэл, бүтээгдэхүүнийг урт хугацаанд тогтмол хэрэглэхийг зөвлөдөггүй. Эл ургамлыг “тураах бэлдмэл” бус өтгөн хатах үед туулга хэлбэрээр ашиглаж ирсэн ба энэ төрлийн ургамлын зүйлийг туулгын эмд ашигладаг байна. Урт хугацаанд хэрэглэх нь эрүүл мэндэд ноцтой эрсдэл учруулж болзошгүй. Шалгасан мэдээлэлд жин хасах зориулалттай ургамлын гаралтай цай мэт төөрөгдүүлсэн сурталчилгаа хийжээ. Ингэхдээ зөвхөн богино хугацааны эерэг нөлөөг дурдаж, сөрөг, гаж нөлөөг огт тайлбарлаагүй байна.

Гаднын улсаас удирдлагатай хуурамч хуудаснаас хэрэглэгчийн анхаарлыг татахын тулд зохиомол түүх нийтэлж, баталгаагүй бүтээгдэхүүн сурталчилж байна.  Хэрэв хамрын хөндийн үрэвсэл хүндэрч буй мэт шинж тэмдэг илэрвэл цахим орчинд худалдаалж буй аливаа эм, бэлдмэлийг дур мэдэн хэрэглэхгүй мэргэжлийн эмчид хандаж, жорын дагуу эмчилгээ хийлгэх нь зүйтэй юм.

Гаднын 30 орчим улсаас импортоор авсан түүхий нефтиэ боловсруулж, үйлдвэрлэсэн бүтээгдэхүүнийхээ 70 гаруй хувийг дэлхийн 63 улсад экспортолдог БНСУ-ын хоёр дахь том газрын тосны үйлдвэр болох “GS Caltex”-ээс Монгол улс наймдугаар сард багтааж эхний бүтээгдэхүүнээ хүлээн авахаар хэлцэл хийж байгааг “гаднаас бензинээ авдаг улсаас гуйлга гуйлаа” гэж мэдээлсэн нь төөрөгдүүлж байна.

Оливын тос элэгний өөхлөх эрсдэлийг бууруулж, тодорхой хэмжээний эерэг нөлөөтэйг харуулсан судалгаа бий ч эмчилгээний батлагдсан арга биш юм. Оливын тос болон нимбэг ашиглах нь элэгний өөхлөх өвчнийг эмчилдэг болохыг баталсан өргөн хүрээний судалгаа, клиник туршилт байхгүй. Мөн эрүүл мэндийн байгууллагууд элэг өөхлөх өвчний үед дасгал хөдөлгөөн хийж, тэнцвэртэй хооллож биеийн жингээс хасахыг зөвлөдөг байна.

Цахим орчинд сурталчилж буй “Ceoerty® Tooth & Gum Repair” батлах чанар, үр нөлөөг нь баталсан судалгаа олдсонгүй. Түүнчлэн шүдний паалан нь амьд эд биш тул нэгэнт гэмтсэн паалан байгалийн жамаар дахин ургадаггүйг эрдэм шинжилгээний судалгаа болон олон улсын шүдний мэргэжилтнүүд мэдээлжээ. Иймд шүд цоорсон, паалан гэмтсэн, буйл үрэвссэн зэрэг тохиолдолд цахим орчинд борлуулагдаж буй аливаа наалт, бүтээгдэхүүнд найдалгүйгээр мэргэжлийн шүдний эмчид хандаж, өөрт тохирсон эмчилгээ хийлгэх нь зүйтэй юм.

2018 онд Энэтхэгт болсон үйл явдлын бичлэгийг төөрөгдүүлсэн тайлбартай түгээжээ. Ингэхдээ бичлэгт дүрсэлсэн  үйл явдлыг мухар сүсэг мэтээр буруугаар тайлбарласан. “Нарны хавтан бороо оруулахгүй байна” гэж итгэснээс бус цалин хөлсөө аваагүй ажилчид дургүйцэн хавтангуудыг цохиж, эвдэлсэн аж.

2026 оны 06 дугаар сарын 12-нд Batchuluun Natsagdorj Facebook хаягаас “Эмч нар хүүхдүүддээ ХПВ вакцин огт хийлгэдэггүй” гэсэн гарчигтай пост нийтэлжээ. Уг постыг нийт 329

Шалгасан мэдээлэлд “хэн нэг хүн ундны усанд уран хийж хордуулж байгаа” мэт ойлголт өгсөн нь дээрх судалгааг гуйвуулсан мэдээлэл юм. Учир нь “Монгол орны ундны усны ураны судалгаа” нь байгальд анхнаасаа оршин байсан ураны усан дахь агууламжийг судалж гаргаж ирсэн. Ингэснээр хүмүүс унданд ашиглах боломжтой аюулгүй эх үүсвэрийг тогтоох, шинжилгээ, мониторинг хийх цаашлаад ус цэвэршүүлэх технологи нэвтрүүлэх зэргийг дэвшүүлснээрээ ач холбогдолтой юм.

2021 оны 07 дугаар сараас 2022 оны 12 дугаар сар хүртэлх хугацаанд “Зөөвч-Овоо” ордын талбайд уран олборлох үйлдвэрлэлийн туршилтыг хийж 10 гаруй тонн уран олборлоход нийт 866,6 тонн хүхрийн хүчлийг уусгах шингэн бэлтгэхэд ашигласан байна. Энэ хүхрийн хүчлийн хэмжээ нь дундажаар 0.4 хувь, дээд тал нь 2 хувийн концентрацтай хүчилжүүлсэн уусмал бэлтгэхэд ашигласан хэмжээ юм. Түүнчлэн хүхрийн хүчлийг газрын гүний уст давхрагын устай хольж дахин эргэлтэд оруулж ашигладаг бөгөөд, хүдрийн биет шаварлаг давхрага дор оршдог тул хөрсөөр нэвчиж, гүний ундны усыг хордуулах боломжгүй.

Монголд уран олборлолт явуулах “Бадрах Энержи” ХХК нь 2015 оны 06 дугаар сард “Дулаан-Уул, Зөөвч-Овоо ураны ордыг хамарсан ашиглалтын гурван тусгай зөвшөөрөл авсан бөгөөд 2021-2022 оны хооронд “Зөөвч-Овоо” ордын талбайд уран олборлох үйлдвэрлэлийн туршилтыг хийж 10 гаруй тонн уран олборлох үед хайгуулын биш ашиглалтын лицензтэй байсан.

2026 оны 07 дугаар сарын 09-нд Medee Medeelel нэртэй Фэйсбүүк пэйж “Миний Монголын газар шороон дээр Хоёр улсын хилийн зааг дамжлага дээр хятад жолооч нар

Нэмэлт бүтээгдэхүүнийг эмчилгээний голлох эм бэлдмэл мэт сурталчлан, төөрөгдүүлжээ. Welive компанийн сайтад эдгээр бүтээгдэхүүнийг эм биш, аливаа өвчнийг эмчлэхгүй, урьдчилан сэргийлэхгүй гэдгийг анхааруулсан боловч Монголд худалдаалахдаа эмчилгээ шаардлагагүй, өвчнийг бүрэн эдгээх мэтээр хэтрүүлэн сурталчилж байна. Глюкозамин, хондроитин агуулсан нэмэлт бүтээгдэхүүн нь үений үрэвсэлт өвчний үед хэрэглэх нь үр дүнтэйг бүрэн батлаагүй бөгөөд судалгаануудын дүгнэлт зөрүүтэй байна. Олон улсын эмчилгээ, судалгааны байгууллагууд энэ төрлийн нэмэлт бүтээгдэхүүнийг үр нөлөөг үнэлсэн нотолгоо хангалтгүй учир эмчилгээнд хэрэглэхийг зөвлөдөггүй.

Вьетнамаас удирдлагатай Facebook хуудаснаас эрүүл мэндийн бүтээгдэхүүнийг хэтрүүлэн сурталчилж, төөрөгдүүлж байна. Хэдий халдаг наалт нь үе мөчний өвдөлтийг намдаадаг ч хорт бодисыг гадагшлуулна, цусны бөглөрлийг эмчилнэ гэсэн судалгаа, нотолгоо байхгүй. Тиймээс албан ёсны баталгаагүй бүтээгдэхүүнхэрэглэж эрүүл мэндээ эрсдэлд оруулахгүй байхыг хүсье. Мөн хамгаалалтгүй, хуурамч сайтад мэдээллээ оруулахаас татгалзаж, мөнгө болон хувийн мэдээллээ алдагдахаас сэргийлнэ үү.

Гаднын удирдлагатай хуудаснаас баталгаагүй бүтээгдэхүүн сурталчлан борлуулж байна. Хөлийн судас бүдүүрсэн тохиолдолд тос хэрэглэх нь үр дүнгүй. Хэдий энэ төрлийн бүтээгдэхүүнийг ашиглах нь шууд илрэх сөрөг нөлөөгүй ч цаг алдах, санхүүгээрээ хохирох цаашлаад өвчнийг улам хүндрүүлэх эрсдэлтэй. Иймд аливаа өвчнийг эмчилнэ гэж сурталчилсан бүтээгдэхүүнийг дур мэдэн авч хэрэглэхээсээ өмнө заавал эмчид хандаж зөвлөгөө аваарай.

“Америк газар хөдлөлт үүсгэх технологитой” гэх агуулга нь интернэт орчинд өргөн тархсан хуйвалдааны онол юм. Газар хөдлөлт, байгалийн гамшигт үзэгдэл болох үед дахин сэргээж түгээдэг байна. Венесуэл улсын Ерөнхийлөгч агсан Уго Чавесын дурдсан HAARP төсөл нь агаар мандлын дээд давхарга дахь физик үйл явдлыг судалдаг ба хэрэглэдэг радио долгион нь  дэлхийн царцдас, доод давхаргад нөлөөлөх боломжгүй юм.

Ерөндөгийг тэмээний нулимсыг цуглуулж гарган авдаггүй бөгөөд могойн хороор дархлаажуулсан тэмээнээс лабораторийн аргаар ялган авсан эсрэг биед тулгуурлан үйлдвэрлэдэг байна.

Хөлс дарах бүтээгдэхүүн нь хөлсний үнэрийг түр хугацаанд дарж, сэргийлэх боломжтой ч хулмасыг бүрэн арилгаж, эмчлэх арга биш юм. Мөн өөрийн онцлогт тохирсон, баталгаатай бүтээгдэхүүн сонгоогүй тохиолдолд харшил өгч, тууралт гарах эрсдэлтэй.

Хүнсний зориулалттай хар бээлийг үйлдвэрлэх явцад үлдсэн хүхрийн нөлөөгөөр мөнгөн бөгж харлах тохиолдол бий. Гэхдээ энэ нь зөвшөөрөгдсөн стандарттай бөгөөд хүний биед аюултай гэж шууд дүгнэх боломжгүй. Өөрөөр хэлбэл, тавиурт байгаа мөнгөн аяга агаар дахь хүхэртэй урвалд орж, харладагтай ижил процесс юм. Харин бээлий хурц үнэртэй, харшил өгч тууралт гарсан зэрэг тохиолдолд хэрэглэхээс зайлсхийгээрэй.

Гаднын удирдлагатай пэйжээс орц найрлага нь тодорхойгүй, баталгаагүй бүтээгдэхүүн сурталчлан борлуулж байна. Чих шуугих шалтгаан тодорхойгүй үед уг төрлийн бүтээгдэхүүнийг дур мэдэн хэрэглэх нь эрсдэлтэй бөгөөд чихний бүтэц, хэнгэргэн бүрхүүлийн байдал болон тухайн хүний эрүүл мэндийн ерөнхий нөхцөл байдлыг харгалзан, эмчийн зөвлөгөө, хяналтын дагуу хэрэглэх нь илүү үр дүнтэй, аюулгүй арга хэмжээ юм.

Тус бүтээгдэхүүнийг оруулж ирдэг компанийн сурталчилгаа, Туркийн Xaura Global компанийн сүлжээ маягийн бизнес загвар зэрэг нь бидний өмнө шалгаж байсан Туркийн One more international компанитай төстэй тул сэрэмжлүүлэх үүднээс баримт шалгалтаа хийлээ. Эдгээр бүтээгдэхүүний үр нөлөөг хэтрүүлэн сурталчилж, олон нийтийг төөрөгдүүлэн, ашиг орлогоо нэмэгдүүлдэг үзэгдэл гарсаар байгаа тул хэрэглэгч та бүхэн хэрсүү хандаарай. АНУ-ын Холбооны худалдааны комиссоос анхааруулсан тураах бүтээгдэхүүнтэй холбоотой түгээмэл ашиглагддаг хуурамч сурталчилгааны хэлбэр бол зөв зохистой хооллолт, тогтмол дасгал хөдөлгөөнгүйгээр жин хасах зөвлөмж байдгийг эцэст нь онцолъё.

Унтаж байхдаа эрчимтэй турж, өөхөө шатаана гэх мэдээлэл нь хэрэглэгчдийг татах зорилготой ТӨӨРӨГДҮҮЛСЭН маркетингийн тайлбар юм. Эмэгтэйчүүдэд зориулсан шөнийн өөх шатаах бэлдмэлд орсон орц найрлагыг нэгтгэж, үр дүнтэй эсэхийг баталгаажуулсан өргөн хүрээний судалгаа, клиник туршилт байхгүй. Шалгасан мэдээлэлд Америкийн бүтээгдэхүүн гэж онцлон тодотгосон боловч АНУ-ын эрүүл мэндийн байгууллага, эмч мэргэжилтнүүд өөх шатаах бэлдмэл үр дүнтэй эсэх нь тодорхойгүй бөгөөд эрүүл мэндэд эрсдэлтэй байж болзошгүйг анхааруулж байна.

Архинд донтолтын эсрэг гэх бүтээгдэхүүний найрлага дахь фульвик, гумины хүчлийг хүнд хэрхэн нөлөөлөхийг нарийвчлан судлах шаардлагатай бөгөөд гэр бүлийн гишүүн бүр уухад аюулгүй гэх нотолгоо байхгүй.

Хөлийн хурууны яс ямар шалтгаанаар үрэвссэнээс хамааран эмчилгээ өөр, өөр байдаг. Өвдөлт намдаах тос нь шинж тэмдгийн эмчилгээ болохоос суурь шалтгааныг эмчлэхгүй. Мөн ясны ургалт нь ясны бүтцийн өөрчлөлт учраас тос түрхэж шимэгдүүлэх, арилгах боломжгүй юм.

Нүдний мах ургах, болор цайх эмгэгийг нүдний дусаалга, нэмэлт бүтээгдэхүүнээр эмчлэх боломжгүй. Хуурамч хаягаас чанар, аюулгүй байдлын баталгаагүй бүтээгдэхүүн сурталчлан борлуулж байна. Иймд аливаа өвчнийг богино хугацаанд бүрэн эдгээнэ гэж амласан баталгаагүй бүтээгдэхүүнийг дур мэдэн худалдан авч, хэрэглэхээсээ өмнө заавал мэргэшсэн эмчид хандаж зөвлөгөө аваарай.

Хэт халалтын улмаас Германд гэрлэн дохио хайлсан гэх бичлэг нь 2025 онд ойролцоох барилгад гарсан галын улмаас үүдэлтэй. Мөн Италид автомашин шатсаны улмаас ойролцоох гэрлэн дохио хайлж, урссаныг хэт халалттай холбоотой хэмээн тайлбарлаж, төөрөгдүүлжээ.

МҮЭ-ийн холбооны ерөнхийлөгч Э.Тамирын ярианы хэсгээс өмнөх агуулгыг орхиж, зөвхөн “…маргааш тоггүй болно” гэх ойлголт төрүүлэхээр дутуу мэдээлэл түгээж, олон нийтийг төөрөгдүүлж байна.

Гадаадаас удирддаг пэйжээс чанар, аюулгүй байдлын баталгаагүй шүдний бүтээгдэхүүнийг шүдний цоорлыг бүрэн эмчлэх мэтээр сурталчилж төөрөгдүүлжээ. Аливаа эрүүл мэндийн ач тустай гэж сурталчилж буй бүтээгдэхүүнийг дур мэдэн хэрэглэхээс өмнө мэргэшсэн эмчээс зөвлөгөө аваарай.

Гидроксиапатит агуулсан бүтээгдэхүүн нь шүдний эрдэсжилтийг дэмжиж, цоорлоос сэргийлэх боломжтой ч шүдний гэмтэл, цоорлыг бүрэн эмчилж чадахгүй. Учир нь, паалан нь амьд эд биш тул нөхөн төлжих боломжгүй юм. Иймд “шүдний цоорлыг эдгээнэ”, “пааланг нөхөн төлжүүлнэ” гэх зэргээр сурталчилдаг баталгаагүй бүтээгдэхүүнд найдаж цаг алдахын оронд мэргэжлийн эмчид хандаарай.

Өвчин намдаах энгийн наалтыг үений бүх өвчин, ханиад, уушгийг эмчилж, биеэс хор гадагшлуулна гэж хэтрүүлэн сурталчилж байна. Энэ төрлийн бүтээгдэхүүнийг худалдан авч хэрэглэх нь шууд илрэх гаж нөлөөгүй ч цаг хугацаа алдаж, өвчнийг хүндрүүлэх эрсдэлтэй. Тиймээс аливаа өвчнийг бүрэн эдгээнэ гэж амласан эрүүл мэндийн бүтээгдэхүүнийг худалдан авч хэрэглэхээсээ өмнө эмнэлэгт хандаж, мэргэшсэн эмчээс зөвлөгөө аваарай.

Швед улс 2018 онд уран олборлохыг хориглосон нь үнэн боловч, уг хоригийг 2026 оны 1 дүгээр сарын 1-нээс албан ёсоор цуцалж, уран олборлохыг дахин зөвшөөрсөн. Харин шалгасан мэдээлэлд дурдсан Герман, Австри улсын хувьд одоогоор уран олборлодоггүй нь үнэн. Гэхдээ зөвхөн байгаль орчны асуудлаас болж хориглосон талаар албан ёсны мэдээлэл байхгүй байна.

Ховд аймгийн Ховд сумын 80 жилийн ойг тохиолдуулан Казах үндэсний Наурыз баярыг тэмдэглэсэн парадын үеийн бичлэгийг төөрөгдүүлсэн тайлбартай түгээжээ. Ингэхдээ ижил төстэй харагдах далбааг Казахстан улсын туг мэт тайлбарласан байна. Шалгасан зурагт харагдаж буй цэнхэр туг нь Ховд аймгийн Ховд сумын туг юм.

Шалгасан бичлэг дээрх осол Монголд болоогүй. Бичлэгийн эх хувилбарыг @neagu_xxl TikTok хаягт Румын хэл дээрх тексттэй нийтэлсэн. Сошиал орчинд нээлттэй нийтэлсэн аливаа зураг бичлэгийг ашиглан болсон газар, үйл явдлыг өөрөөр тайлбарлан гуйвуулж, төөрөгдүүлэх эрдэлтэй. Тиймээс хэрсүү байж, эргэлзээтэй мэдээллийг нягталж хэвшээрэй.

Мьянмарын Качин муж дахь газрын ховор элементийн олборлолт нь ион шингээсэн шаварлаг ордод хамаардаг тул аммонийн хлорид эсвэл аммонийн сульфатын уусмал ашиглан ион солилцооны зарчмаар олборлолт явуулдаг. Мөн газрын ховор элементийн олборлолтын байгаль орчны нөлөөллийн талаар судалгааны мэдээлэл хязгаарлагдмал хэвээр байгаа бөгөөд Мьянмар дахь нөлөөллийн цар хүрээ, эрүүл мэнд болон байгаль орчинд үзүүлэх бодит үр дагаврыг бүрэн тогтоосон шинжлэх ухааны үнэлгээ одоогоор хангалтгүй байна. Түүнчлэн Халзан бүрэгтэй ордын хувьд олборлолт, баяжуулалтын технологийн эцсийн шийдэл хараахан тодорхой болоогүй бөгөөд холбогдох судалгаа, туршилтууд үргэлжилж байгаа юм.

Монгол Улс IAEA-аас гаргасан стандарт, журмын дагуу уран тээвэрлэх шаардлагатай бөгөөд аюулгүй ажиллагааг хангасан, зураг төслийн дагуу тээвэрлэж буй үед бусад бараа материалд цацраг идэвх шингэхгүй.

Гаднын улсаас удирдлагатай найдваргүй хуудаснаас хуурамч сертификатын зураг ашиглаж, баталгаагүй бүтээгдэхүүн сурталчилжээ. Ингэхдээ хэрэглэгчдийн анхаарлыг татаж, яаран худалдан авалт хийлгэхийн тулд “Наадмын урамшуулал” гэх мэт цаг үе, үйл явдалтай холбоогүй тайлбар ашигласан нь залилангийн сэдэлтэй үйлдэл юм.

Гаднын удирдлагатай найдваргүй хуудаснуудаас мэргэжлийн байгууллагуудаар итгэмжлэгдээгүй баталгаагүй бүтээгдэхүүн сурталчилж байна. Хүний өсөлтийн даавар 10 жил тутамд ойролцоогоор 15 хувиар буурдаг ба өсөлтийн зон буюу шинэ ясны эд үүсгэх мөгөөрс хатуурч хаагдахад цааш өсөх боломжгүй болдог. Мөн өсөлтийн бэлдмэлүүд нь хүний нас, генетик, биеийн онцлогоос шалтгаалан хүн бүрд харилцан адилгүй нөлөө үзүүлдэг тул бүрэн баталгаатай бус юм.

Хүж өвсөнд буй хорт хавдрын эсрэг идэвхжилтэй дауринол гэдэг бодисыг ялгаж авч лабораторийн түвшинд туршихад хавдрын эсийг дарангуйлах үр нөлөө үзүүлсэн ч хүн дээр туршаагүй, мөн өвсөнд буй бусад бодис хаврыг идэвхжүүлдэг болохыг анхаараарай.

Энгийн усан парк дахь бартаат зам бүхий тоглоом дээр тоглосон эмэгтэйн бичлэгийг “монгол эмэгтэй Ninja Warrior үзэгчдийн суудлаас тэмцээнд оролцож давсан” хэмээн тайлбарлаж, төөрөгдүүлжээ.

2022 болсон курдуудын эсэргүүцлийн үеийн халдлага, үймээний бичлэгээр 2026 оны 05 дугаар сарын 31-нд хөлбөмбөгийн Аваргуудын лигт хоёр дахь удаагаа аварга болсон Францын PSG багийн хөгжөөн дэмжигчдийн баярын жагсаалын үеийн бичлэг гэж төөрөгдүүлсэн тайлбартай түгээжээ.

Гаднын эх сурвалжаас гаралтай бичлэгийг Монголд болсон мэтээр нийтэлж, олон нийтийг төөрөгдүүлсэн байна. Ийм төрлийн контент нь дангаараа шууд хор хөнөөл багатай байж болох ч зарим хаягууд ийм аргаар хандалтаа нэмэгдүүлсний дараа зориуд хуурамч мэдээлэл түгээж, олон нийтийн сана бодлыг төөрөгдүүлэх гэж оролдох тохиолдол байдаг. Иймээс мэдээллийг хүлээн авахдаа хаягийг шалгах, зургаар хайх, агуулгыг нягтлах зэрэг баримт шалгах анхан шатны аргаар нягталж хэвших нь зүйтэй.

Гаднын улсын байгалийн өвөрмөц тогтцыг Монголд мэт тайлбартай түгээж, төөрөгдүүлжээ.

Энэ хэрэгт холбогдсон хүмүүст шүүхээс хууль бусаар олж авсан 70.6 сая болон 117,9 сая төгрөгийг тус тус гаргуулж улсын орлого болгоод, нийтийн албан томилогдох эрхийг хасах, хорих ял зэргийг оноосон байна.

2022 онд түгээж байсан “цэнхэр тасалбарын эзэнгүй 8 тэрбум төгрөг байна” гэх мэдээллийг дахин түгээж, хандалт авч байна. Тухайн үед “үнэт цаасны арилжаанд оролцсон харилцагчдын нэгдсэн дүнгийн үлдэгдэл найман тэрбум төгрөг” гэснийг гуйвуулан төөрөгдүүлж байжээ.

Facebook-ийн үзэлт буюу хэрэглэгч дэлгэц дэх мэдээллээ гүйлгэх явцад тухайн пост харагдаж буй тоог “бүгд дэмжиж байна” гэж буруу тайлбарласан байна. Энэ тоонд нэг хэрэглэгчид хэдэн ч удаа харагдаж болох бөгөөд тэдгээрийг давхардуулан тоолдог. Мөн Сонгуулийн ерөнхий хорооноос санал тоолох машины зардалд “тэрбум тэрбумаар нь” бус 2024 онд гэхэд 204,9 сая төгрөг төлсөн байна.

Куркумин нь үрэвслийн эсрэг, антиоксидант шинжийнхээ ачаар ходоодны салстыг дэмжиж, зовуурийг тодорхой хэмжээнд бууруулах боломжтой бодис юм. Гэвч хелинкобактерийг устгах болон ходоодны шархыг бүрэн эмчлэх батлагдсан эмчилгээний аргад тооцогдохгүй. Одоогийн байдлаар куркумин нь зөвхөн стандарт эмчилгээний хамт хэрэглэгдэх нэмэлт хэлбэрээр судлагдсан бөгөөд гол эмчилгээний үр дүнг орлох хэмжээнд хүрээгүй байна. Иймээс куркуминыг үндсэн эмчилгээний оронд хэрэглэх боломжгүй юм.

Тоглоомон өндөг үйлдвэрлэж буйг харуулсан бичлэгийг “өндөг чинь бөөн хор юм байна шүү дээ” гэсэн төөрөгдүүлсэн тайлбартай түгээжээ.

Вьетнам улсаас удирддаг хуурамч хуудаснаас чанар, аюулгүй байдлын баталгаагүй бүтээгдэхүүнийг нүдний даралт, болор цайх эмгэгийг эдгээнэ гэж худал сурталчилж байна. Иймд эмчилгээний бүтээгдэхүүн гэж сурталчилж буй аливаа бүтээгдэхүүнийг шууд худалдан авалгүй, эмнэлэгт хандаж, нарийн мэргэжлийн эмчээс зөвлөгөө аваарай.

“Сахар бууруулагчтай” хэмээн сурталчилж буй будаа агшаагч нь будааны нүүрс ус, цардуулыг мэдэгдэхүйц бууруулдаг гэдгийг баталсан судалгаа хангалтгүй байна. Мөн шалгасан бичлэгт сурталчилж буй будаа агшаагч нь цардуулыг ууссан усаар дамжуулан бууруулах зориулалттай тусгай шүүлтүүр, тавиур зэрэг үндсэн бүрэлдэхүүн хэсэггүй байна. Япон, Хонконг зэрэг олон улсын хэрэглэгчийн байгууллагуудын туршилтаар нүүр ус бууруулагчтай будаа агшаагч хэмээн сурталчилж буй зарим бүтээгдэхүүн үр дүнгүй байсныг онцолж, “нүүрс ус багассан” гэх үзүүлэлт нь ихэвчлэн будаанд ус их шингэснээс үүдэлтэй талаар мэдээлсэн.

АНУ-аас Хятадад айлчилсан төлөөлөгчид энгэрийн тэмдэг, мандат, оосор, нэг удаагийн утас зэргийг хаясан нь үнэн боловч Хятадаас өгсөн бэлэг дурсгалын зүйлсийг хаясан гэх баталгаа, албан ёсны эх сурвалжийн мэдэгдэл байхгүй.

Зуны улиралд машинд халсан хуванцар савтай усанд BPA болон бусад химийн бодис бага хэмжээгээр нэвчих боломжтой ч “хорт хавдар үүсгэнэ” гэдгийг баталсан шинжлэх ухааны нотолгоо одоогоор байхгүй байна. Харин халуун орчинд нэгэнт таг нь нээгдсэн савтай усанд бактери үржих эрсдэлтэй бөгөөд бичил хуванцарт агуулагдах BPA, фталат зэрэг бодисууд нь дотоод шүүрлийн тогтолцоонд сөрөг нөлөө үзүүлэх эрсдэлтэйг судалгаанууд анхааруулжээ.

ЦЕГ-ын Хэвлэл мэдээллийн төвийн мэдэгдсэнээр “2026 оны 05 дугаар сарын 19-нд мэргэжлийн хяналтын байгууллагын хүнсэнд хэрэглэх боломжгүй дүгнэлтээр устгалд оруулж байсан цагаан будааг авахаар 30 орчим иргэн тээврийн хэрэгсэл рүү дайрсан ч будаа авч зугтсан, тээврийн хэрэгслээр ачиж авч явсан үйлдэл болоогүй” гэлээ.

Шалгасан бичлэгт “татвар байхгүй байсан бол 2,646,000 төгрөгийг бүхэлд нь гар дээрээ авах боломжтой байсан” хэмээн ажил олгогчоос төлдөг шимтгэл, нэмэгдсэн өртгийн албан татвар(НӨАТ) болон ажилтнаас суутгадаг татваруудыг бүгдийг нь ажилтны шууд алдсан орлого мэтээр төөрөгдүүлсэн мэдээлэл түгээжээ.

Гаднын улсаас удирдлагатай, шинээр нээгдсэн, найдваргүй хуудаснаас бүрэн эдгэрэх боломжгүй өвчнийг өвдөлт намдаах бүтээгдэхүүнээр эмчлэх боломжтой мэтээр сурталчилж, төөрөгдүүлсэн мэдээлэл түгээж байна. Уг хуудаснаас мэдээлж буй “Urique Kingphar” гэх бүтээгдэхүүн нь мэргэжлийн байгууллагаар итгэмжлэгдээгүй, баталгаагүй бүтээгдэхүүн юм.