2026 оны 04 дүгээр сарын 08-нд Ч.Пүрэвсүрэн (архивласан хувилбар) нэртэй хаягаас “Заа Ираны бүх иргэд хотуудынхаа том талбай гудамжинд гараад зогсчихлоо. 15 минутын дараа бид

Цагдаа хүний хувийн мэдээллийг хууль бусаар авдаг гэх мэдээлэл нь төөрөгдүүлжээ. Тодруулбал, “Зочид буудалд тавих ерөнхий шаардлага MNS 4588:2008”, “Дэн буудлын ерөнхий шаардлага MNS 5738:2007” зэрэг журамд зочдын бүртгэлийг заавал хөтлөх, мөн дотоод бүртгэлийн программ, системд холбогдсон байх шаардлагыг тусгасан байдаг. Мөн “Хүний хувийн мэдээлэл хамгаалах тухай хууль”-ийн 6.2.3, 6.2.4-т төрийн байгууллага нь мэдээллийн эзний амь нас, бие махбод, эрх, эрх чөлөө, эд хөрөнгийг хамгаалах, түүнд учирч болзошгүй хохирлоос урьдчилан сэргийлэх, мөн бусдын эрх, хууль ёсны ашиг сонирхолд хохирол учруулахаас сэргийлэх зорилгоор мэдээллийг ашиглана хэмээн заасан байна.

Генийн өөрчлөлттэй холбоотой “plexiform neurofibromas” гэх хавдартай ээж, хүү хоёрын бичлэгийг уранаас болсон мэт төөрөгдүүлсэн тайлбартай түгээжээ. Мөн тус бичлэгийг анх түгээсэн хуудас нь Бангладеш улсын хорт хавдартай, өнчин, тусламж хэрэгтэй хүмүүст хандив цуглуулж, дэмжлэг үзүүлдэг бөгөөд тус улс нь уран олборлодог орон биш юм.

“Туул хурдны замыг иргэдийн 80 хувь нь дэмжиж байна” гэх мэдээлэл албан ёсны судалгааны бодит үр дүн бус нийгмийн сүлжээнд оруулсан санал асуулгаас үндэслэн мэдээлсэн тул төөрөгдүүлэх эрсдэлтэй.

Гаднын улсаас удирдлагатай хуудаснаас элэг цэвэрлэх, дотор өөхийг багасгах “Liver Detoxnic Plus” гэх чанар, аюулгүй байдал тодорхойгүй бүтээгдэхүүнийг сурталчлан борлуулж байна. Мөн “элэг цэвэрлэх” хэмээн сурталчилж буй бүтээгдэхүүнүүдийн ихэнх нь клиник нотолгоо хангалтгүй, зарим нь бүр элэгний гэмтэл үүсгэх эрсдэлтэйг судалгаануудад онцолсон байна.

Гаднын удирдлагатай, баталгаагүй хуудаснаас энгийн хуйх цэвэрлэх шампунийг “7 хоногийн дотор хаг, мөөгөнцөр, хуйхны хайрсыг арилгана” гэх хэтрүүлсэн тайлбартайгаар мэдээлж, төөрөгдүүлж байна.

“Орано майнинг компанитай хөрөнгө оруулалтын гэрээ хийхэд 300 сая ам.долларын авлига өгсөн” гэх мэдээлэл төөрөгдүүлсэн байна. Нээлттэй байршуулсан баримтуудаас “Орано майнинг” компанитай хийх хэлэлцээрт дэмжлэг үзүүлэх зөвлөх үйлчилгээнд “Эрдэнэс Монгол” ХХК нь “Өмгөөллийн санхүүгийн хуулийн зөвлөх” ХХК-тай хуулийн зөвлөгөө үзүүлэхээр гэрээлж, одоогийн байдлаар 230 сая төгрөгийг шилжүүлсэн байна. АТГ-ын мөрдөн шалгалтын явц, шүүхийн эцсийн шийдвэрээр энэхүү гэрээ хууль ёсных байсан эсэхийг тогтоох юм.

“MD slim coffee” нэртэй бүтээгдэхүүний орц, найрлагад дурдсан “ногоон кофены үр, улаан мөөгний ханд, хүн орхоодойн ханд, бадамлянхуа навчны ханд Garcinia Cambogia ханд” зэргийг хослуулан судалсан нотолгоо байхгүй бөгөөд тус бүрийг дангаар нь авч үзэхэд жин хасах үр нөлөө баттай нотлогдоогүй байна. Амьтны туршилтад зарим эерэг үр дүн ажиглагдсан ч хүний судалгаануудын чанар сул, үр дүн тодорхой бус байна.

Моринга ургамал болон рэйши мөөгийг нэгтгэж, жин хасах, өөх шатаахад үр нөлөөтэйг харуулсан судалгаа огт байхгүй. 

Хөлийн нум дэмжих энгийн улавчийг бүхий л төрлийн ясны өвчнийг эдгээж, биеэс хор гадагшлуулна хэмээн хэтрүүлэн сурталчилж байна. Нумтай улавч өмсөх нь биеийн галбирт нөлөөж, өвдөлтийг намдаадаг ч бүх төрлийн өвчнийг эмчлэхгүй юм. Иймд аливаа бүтээгдэхүүнийг дур мэдэн хэрэглэж, эрүүл мэнд, цаг хугацаа, санхүүгээрээ хохирохоос өмнө заавал мэргэшсэн эмчид хандаж, зөвлөгөө аваарай.

Гаднын улсаас удирдлагатай хуудаснаас “Fujima Insuna” гэх чанар, аюулгүй байдал тодорхойгүй бүтээгдэхүүнийг сурталчлан борлуулж байна. Иймд аливаа эм, эрүүл мэндийн бүтээгдэхүүн хэрэглэхээсээ өмнө заавал мэргэжлийн эмчээс зөвлөгөө аваарай. Дур мэдэн хэрэглэх нь эрүүл мэндэд сөргөөр нөлөөлөх эрсдэлтэй.

Гаднын улсын бичлэгийг ашиглаж, “монгол охид” хэмээн төөрөгдүүлсэн тайлбартай нийтэлжээ. Ингэхдээ бичлэгийн дийлэнх хэсгийг текстээр дарж, өнгийг нь хар цагаан болгон өөрчилж, царайг нь харуулалгүй нуусан байна.

2026 оны 03 дугаар сарын 13-нд Batka Gankhuyag хаягаас “Хувь хүний орлогын татварыг нэмэхээр болжээ. Ярьсан амласан бүхэн нь яг эсрэгээрээ” гэсэн пост оруулсан байна.

Вакцинд хамрагдсан ажилтны тоон мэдээлэл нээлттэй биш ч Японы баримт шалгах төв Эрүүл мэнд, хөдөлмөр халамжийн яамнаас авсан тодруулгад “10 хувь нь вакцинжуулалтад хамрагдсан” гэх мэдээллийг үгүйсгэсэн. Мөн шалгасан бичлэгт”Израилын Ерөнхий сайд вакцин хийлгэсэн дүр үзүүлж байна” гэх текст бичиж өөр хүний бичлэг оруулжээ.

Натрийн дутагдлаас үүдэлтэй мигрень өвчний үед зохимжтой тунгаар давстай ус уух нь түр хугацаанд өвчнийг намжааж болох ч бүрэн эмчилгээ болохгүй. Мөн мэргэжилтнүүд давсны хэрэглээ ба мигрень өвчний хоорондын хамаарлыг тодруулахын тулд нэмэлт судалгаа шаардлагатайг онцолдог.

Хэт хүйтэн температурын нөлөөгөөр өндөгний шар уян хатан бүтэцтэй болдгийг шалгасан бичлэгт төөрөгдүүлсэн тайлбартай түгээжээ. Мөн Баяншувуу ХХК-аас “Баян” өндөгний талаар цахим орчинд илт худал, ташаа мэдээлэл явж байгаа тухай мэдэгдэл гаргасан байна.

Түгжрэлийг бууруулах ажлын хэсэг суррон, мопед, скүүтерийг явган хүний замаар явуулахгүй байх асуудлыг хэлэлцэж байна. Гэвч одоогоор уг зохицуулалтыг бүрэн баталсан шийдвэр гараагүй байна.

Өнгөрсөн үйл явдлын мэдээллээс таслан авч, дутуу мэдээллээр төөрөгдүүлсэн ойлголт өгөх үзэгдлийг malinformation гэдэг. Энэ тохиолдолд сэтгүүлч Н.Өнөрцэцэг ингэж хэлсэн нь үнэн, гэхдээ өөр зорилгоор буюу Засгийн газрын тэргүүн асан Д.Оюун-Эрдэнийг танхимын сайд нартаа хариуцлага тооцохыг шаардаж хэлсэн үг байсныг таслан авч одоо өрнөж буй үйл явцтай уялдуулснаар олон нийтэд огцорсон Ерөнхий сайдад хариуцлага хүлээлгэхийг шаардсан мэт ойлголт төрүүлэхээр төөрөгдүүлжээ.

Шалгасан бичлэгт дурдсан “лабораторын аргаар гаргаж авсан мах хүний мах юм байна” гэх мэдээлэл 2023 оноос эхлэн цахим орчинд түгснийг олон улсын баримт шалгах байгууллагууд худал болохыг нь мэдээлж байжээ. Харин “Чингис” нэртэй койны тухай яриа Эпштэйний файл дахь имэйл дунд байна.

УИХ-ын гишүүн П.Сайнзоригийн “Засгийн газрын 55 дугаар тогтоолын улмаас төсөвт орж ирэх 200 тэрбум төгрөгийг алдах гэж байна” гэж хэлснээс үүдэн, “MCS-ийг 200 тэрбумын татвараас чөлөөлөх шийдвэр гаргасан” гэж гуйвуулсан мэдээллийг түгээжээ. Тогтоолын үйлчлэлийн хугацаанд АМНАТ-ийн хэмжээ өмнөх саруудаас буураагүй байна.

Гаднын улсаас удирдлагатай баталгаагүй хуудаснаас залилангийн шинжтэй мэдээлэл түгээж байна. Ингэхдээ төрөл бүрийн барааны захилга авах нэрийдлээр хуурамч сайт ажиллуулж буй юм.

Гаднын улсаас удирдлагатай хуудасанаас “KOREPLUSS SLIM” гэх олон улсын стандартаар батлагдаагүй, чанар, аюулгүй байдал нь тодорхойгүй бүтээгдэхүүнийг сурталчлан боруулуулж байна.

Судасны бүдүүрэлд тос, цацлага зэргийг ашиглах нь үр дүнгүй.

Сонгуулийн хуулийн дагуу сонгуульд оролцохоо илэрхийлсэн нам, эвслийн эрх бүхий этгээдийн хүсэлтээр олж авсан сонгогчдын нэрийн жагсаалтыг өөр зорилгоор ашиглаж болохгүйг холбогдох журамд заасан ч АН гишүүдийн шинэчлэлийн хүрээнд хийсэн вэбсайтдаа байршуулж ашигласан байна.

 “Яс ургалтыг эмчлэх шидэт тос-Русский болеутоляющий” гэх бүтээгдэхүүн нь өвчин намдаах зорилготой энгийн түрхлэг байна. Энэ талаар бүтээгдэхүүний зааварт уг тос нь эрүүл мэндийн туслах бүтээгдэхүүн тул эмчилгээний эм, хэрэгслийг орлохгүй гэж сануулжээ. Учир нь яс ургах эмгэг хүндэрч, томорсон үед энгийн өвчин намдаах тос үр дүнгүй. Эл тохиолдолд ясны ургацгийг авч, дарагдсан мэдрэлийн хэсгийг тэлэх мэс засал хийх шаардлагатай болдог байна.

Улаанбадрах суманд одоогоор нөлөөллийн бүс тогтоогоогүй бөгөөд Ашигт малтмалын тухай хууль болон Хөрөнгө оруулалтын гэрээнд нөлөөллийн бүсийг тодорхойлох, тогтоохтой холбоотой тусгай зохицуулалт одоогоор байхгүй байна.

Уг бүтээгдэхүүний найдвартай байдлыг мэргэжлийн байгууллагаас бүрэн баталсан эсэх мэдээлэл байхгүй. Тус бүтээгдэхүүний гол орц болох агар модыг нойрны эмгэгээс урьдчилан сэргийлэх, эмчилгээний аргаар ашиглахын тулд илүү нарийн судалж, шинжлэх шаардлагатай байгаа тул батлагдсан арга гэж үзэх боломжгүй юм.

Желатин буюу гидролизжуулсан коллаген нь гурвалсан мушгиа бүтэцгүй, идэвхтэй эпитопууд алдагдсан коллагены хэлбэр тул байгалийн гаралтай коллаген шиг үе мөчинд эерэг нөлөө үзүүлэхгүй. Мөн шалгасан мэдээлэлд дурдсан арга техникээр үений шингэн нөхдөг болохыг харуулсан албан ёсны судалгаа, баримт байхгүй байна.

2026 оны 02 дугаар сарын 19-нд Жүрмэд Занаа нэртэй Фэйсбүүк хаяг “Архи, спирт чинь вакцины хорны эсрэг бодис байсан байна шүү дээ. Ийм л АУ,

Herbalife нь пирамидын луйвартай холбоотойгоор шалгагдаж байсан ч Бельгийн дээд шатны шүүх, АНУ-ын Холбооны Худалдааны Комиссоос уг компанийг пирамидын луйвар ажиллуулдаг гэж шийдвэрлээгүй. Мөн зарим улсад Herbalife-н тодорхой бүтээгдэхүүнүүдийг хориглож байснаас тус компанийн үйл ажиллагаа, борлуулалтыг бүхэлд нь зогсоосон тохиолдол одоогоор байхгүй байна.

2026 оны хоёрдугаар сарын 02-ны өдөр Tuvshin Jargal (архивласан хувилбар) гэх нэртэй Facebook хаягаас “Хүхрийн хүчлийг газрын гүн рүү шахах энэ арга нь уран-ыг олборлогч талдаа

2025 оны 10 дугаар сарын 18-нд болж өрнөсөн Ерөнхийлөгч Доналд Трампын засаг захиргааг эсэргүүцсэн жагсаалын зургийг Эпштэйний хэрэгтэй холбон тайлбарлаж, төөрөгдүүлжээ.

Шүдний паалан нь амьд эд биш тул дахин төлждөггүй. Өөрөөр хэлбэл, нэгэнт гэмтсэн пааланг нөхөн сэргээх боломжгүй. Харин шүдний эрдэсжилтийг дэмжих бүтээгдэхүүн хэрэглэснээр хүнд төрлийн гэмтлээс урьдчилан сэргийлэх боломжтой.

Ипотекийн зээлээр 5-аас дээш байр авсан иргэн байхгүй. УИХ гишүүн Л.Энх-Амгалан улсын хэмжээнд 3-аас дээш байр эзэмшдэг иргэдийг ипотекийн зээлд хамрагдсан эсэхийг шалгах хэрэгтэй хэмээн тодруулга өгсөн.

АНУ-ын Өвчний хяналт, урьдчилан сэргийлэх төв (CDC), АНУ-ын Эрүүл мэндийн яам (HHC), Дархлаажуулалтын зөвлөх хороо (ACIP) зэрэг байгууллагаас гаргасан сүүлийн үеийн мэдэгдэлд “Дөнгөж төрсөн нярайд хийдэг гепатит В-ийн вакцин аутизм үүсэхэд нөлөөлсөн” гэсэн агуулга байхгүй. Харин АНУ-ын өвчний хяналт урьдчилан сэргийлэх төв вакцин ба аутизмын хоорондын хамаарлын талаарх өргөн хэмжээний судалгааны ажлыг ЭМЯ нь эхлүүлээд байгааг мэдэгдсэн.

Боловсролын зээлд хамрагдсан оюутнуудын дүнгийн шаардлагыг Ерөнхийлөгчийн Илгээлт тэтгэлгийн нөхцөл мэт ойлголт өгч төөрөгдүүлжээ.

Улаанбурхны вакцин хийлгэснээр “улаанбурхан, улаанууд, гахайн хавдар” гэсэн гурван төрлийн өвчний эсрэг дархлаа тогтдог. Ингэснээр олон хүнийг халдвараас хамгаалж, өвдөхөөс сэргийлэх боломжтой. Учир нь улаанбурхны вакцины хоёр тунд хамрагдсанаар улаанбурхан, улаануудын эсрэг 97%, гахайн хавдрын эсрэг 86%-ийн дархлаа тогтдог байна.

ОХУ-ын ерөнхийлөгч Путин “Оросын эрдэмтэд хүний өөрийн дархлааг дэмжих замаар хорт хавдрын эмчилгээнд ашиглах вакцин нээх гэж буй”-г мэдэгдсэн. Тус вакциныг арьс, бүдүүн гэдэсний хавдрын үед ашиглахаар судалж байгаа бөгөөд илүү нарийвчлан шинжлэх хэрэгтэй байгаа аж.

АНУ-ын Ерөнхийлөгч Доналд Трамын санаачилсан Энх тайвны зөвлөлд Монгол Улс гишүүнээр элсэхдээ төлбөр төлөөгүй. Харин байнгын суудал авахыг хүсвэл гишүүн улсууд 1 тэрбум ам.доллароос дээш хэмжээний хандив, хөрөнгө оруулах хэрэгтэй тухай олон улсын хэвлэл мэдээллийн сайтууд мэдээлжээ.

Хэрэглэгч егөөдөж оруулсан зургийг Арслан.мн хуудаснаас жинхэнэ мэтээр түгээн төөрөгдүүлжээ.

АНУ-ын ерөнхийлөгч Доналд Трамп Гринланд арлыг авах хүсэлтэй байгаагаа илэрхийлж, тухайн нутгийн иргэдэд бэлэн мөнгө олгох тухай хэлэлцсэн гэх мэдээлэл бий. Гэвч уг хүсэлтийг нутгийн захиргаанаас эсэргүүцэж байгаа бөгөөд албан ёсны хэлэлцээр хийж, батлаагүй. Мөн Гринланд “Оросын харьяанд байх шийдвэр гаргасан” гэх батлагдаагүй, хуурамч мэдээлэл түгээж байна.

ДЭМБ-ын Ерөнхий захирал Тедрос Адханом Гебрейесус “жил бүр тамхинаас шалтгаалсан 7 сая гаруй нас баралт бүртгэгддэг” хэмээн хэлснийг буруугаар тайлбарлаж, “2025 онд 7 сая хүүхэд EVALI-ээр нас барсан” гэж төөрөгдүүлсэн мэдээлэл түгээжээ.

Хууль зүй, дотоод хэргийн сайд Б. Энхбаярын 10 жилийн өмнөх буюу УИХ дахь МАН-ын бүлгийн хуулийн зөвлөх байх үеийн ярилцлагад хувийн байр сууриа илэрхийлэхдээ “авлигын хэрэгт цаазын ял тодорхой хугацаагаар оноох” тухай дурдсаныг дахин сэргээн түгээжээ. Ингэхдээ Хууль зүйн дотоод хэргийн сайд байх үедээ хэлсэн мэтээр эшилж, Монгол Улс цаазын ял сэргээх гэж буй мэт төөрөгдүүлсэн мэдээлэл түгээжээ.

Хятадын сошиал платформд өргөн түгдэг энэ бичлэгийг хэргийн бичлэг мэтээр түгээжээ. Хайкоу хотын дарга асан Жан Чигийн тухай Хятадын мэдээллийн сайтад 107 сая гаруй юанийн авлигал авсан ба бүх насаараа хорих ял оноосон гэж мэдээлсэн. Гэвч олон улсын зарим сайтаас гаргасан “13.5 тонн алт, 30 гаруй тэрбум ам.доллар гэрээс нь олдсон ба цаазын ял авсан” гэх мэдээллийг нягтлалгүй шууд орчуулан түгээсэн байна.

Шалгасан мэдээлэлд буй HGCB гэх бүтээгдэхүүн нь амны үнэр дарж, цэвэршүүлэх зориулалттай бараа юм. Мөн уг бүтээгдэхүүний үр нөлөөг баталсан баримт илрээгүй тул тамхинаас гаргадаг эсэх нь баталгаагүй.

Хүчирхийллийн гэмт хэрэг үйлдэгчийн нэр зургийг нээлттэй байршуулах талаар албан ёсны шийдвэр гараагүй, ийм агуулгаар сүүлийн үед НЦУГ-ын дарга, хурандаа Г.Арсланхуяг мэдээлээгүй байна.

Гаднын улсаас удирдлагатай хуудаснаас итгэмжлэгдээгүй бүтээгдэхүүн сурталчилж, залилан хийхээр оролдож байна.

Гаднын хэрэглэгчийн бичлэгт байршуулсан текстийг дарж, монгол дууны аянд шинэ жилийн баяртай холбоотой тайлбар монгол хэлээр бичиж түгээсэн нь төөрөгдөл үүсгэжээ.

Хар цайгаар ходоодны шархыг эдгээнэ гэдэг нь өрөөсгөл ойлголт юм. Тэр дундаа хүнд хэлбэрийн шархыг дан ганц цайгаар эмчлэх боломжгүй. Тиймээс мэргэжлийн эмчид хандаж, өөрт тохирсон эмчилгээний төрлийг сонгож тууштай мөрдөх хэрэгтэй. Мөн цайгаар цусны даралтыг түр хугацаанд тогтворжуулах магадлалтай ч батлагдсан эмчилгээний аргыг орлож чадахгүй.

Австралийн тариалангийн газар бэлдэж буй бичлэгийг Монголд “тэрбум мод” төслийн моднуудыг унагаан авч буй мэт ойлголт өгөхүйц тексттэй түгээж, төөрөгдүүлжээ.

“9 Green” гэх бүтээгдэхүүний аюулгүй байдал, үр нөлөөг баталсан найдвартай эх сурвалжийн мэдээлэл байхгүй. Олон улсад хүлээн зөвшөөрөгдсөн эсэх нь тодорхойгүй, баталгаагүй бүтээгдэхүүн байна.

Бүтээгдэхүүний орц найрлагад дурдсан эмийн ургамал, жимсийг нэг дор ашиглаж хийсэн туршилт  судалгаа байхгүй. Мөн орц найрлагын сөрөг нөлөөг нээлттэй мэдээлэлгүй, хуурамч сурталчилгаа явуулж байна.

Кофены үрийг ойролцоогоор 200 гаруй цельсийн хэмд хуурч боловсруулдаг харин NMN нь өндөр температурт задарч үйлчилгээгүй болдог учир кофенд NMN шингээх боломжгүй.

Х платформд Ж.Золжаргал гишүүний нэрээр нэрлэсэн хуурамч хаягийн оруулсан мэдээллийг түгээжээ

Хэдийгээр ДЭМБ электрон тамхийг уламжлалт янжуур тамхинаас ангиллын хувьд тусад нь тайлбарласан боловч, шалгасан мэдээлэлд электрон тамхийг тамхин бүтээгдэхүүнд хамаарахгүй, өөрөөр хэлбэл харьцангуй аюулгүй мэт ойлголт төрүүлэх зорилготой төөрөгдүүлсэн мэдээлэл түгээжээ.

Усан доорх Кавачи галт уулын ойр орчмын усны температур хэвийн хэмжээнээс 10 градусаар их буюу ойролцоогоор 37-40 градустай байдаг. 

Аризонагийн их сургуулиас бэрсүүт жимс идэх нь биеийн жинг буруулах эсэх тухай судалгаа нийтэлж байсан ч тус судалгаанд унтахаас өмнө бэрсүүт жүрж идэх туршилт хийгээгүй. Мөн бэрсүүт жүрж зэрэг цитрусийн төрлийн жимсийг унтахынхаа өмнө идэхийг зөвлөдөггүй байна.

“Залуу цус сэлбэж, хөгшрөлтийг саармагжуулна” гэдэг нь шинжлэх ухаанаар бүрэн батлагдаагүй арга юм. Мөн тус аргыг “Хятадад өргөнөөр ашиглаж, залуу үеийнхний цусыг байнга авдаг” гэх нотлогдсон мэдээлэл илрээгүй бөгөөд уг агуулгыг анх түгээсэн суваг нь батлагдсан, найдвартай эх сурвалж биш юм.

“Тамхины хяналтын тухай хууль”-д нэмэлт, өөрчлөлт оруулах тухай хуулийн төслөөр 1 мл электрон тамхины шингэний онцгой албан татварыг 1,410 төгрөг байхаар тусгасан байхад 5,000 төгрөг, төхөөрөмжийн онцгой албан татварыг 1,567 төгрөг байхаар тусгасан байхад 25,000 төгрөг болгон хэт дэгсдүүлж, төөрөгдүүлсэн мэдээлэл түгээжээ.

Орео жигнэмэгт хуванцар шиг химийн хольц ордоггүй. Шалгасан бичлэгт орео жигнэмэг шатахгүй байгаа нь тус бүтээгдэхүүн бага чийгшилтэй, нягт бүтэцтэй учир хүчилтөрөгч бага ба шатахад илүү их хүчилтөрөгч шаарддаг өөх тос агуулсан, элсэн чихрийн хэмжээ өндөр учир богино хугацаанд галд тэсвэртэй мэт харагдаж байна. Мөн бараан өнгийн гадаргуутай учир шатаж, түлэгдсэн ч шатаагүй мэт харагддаг байна.

НҮБ-ын Ерөнхий Ассамблей 1962 онд гаргасан 1803 тогтоолд “баялгийн эзэн улс баялгийнхаа 50-ас дээш хувийг эзэмших ёстой” гэж оруулаагүй. Харин гадаадын хөрөнгө оруулагч болон улс үндэстэн хоорондоо чөлөөтэйгөөр хувь хэмжээгээ харилцан тохиролцож, ашиг орлогоо тохиролцсон хэмжээний дагуу хуваарилах ёстой гэж тусгасан байна.

Энгийн шүдний нунтаг оог амны хөндийн зарим өвчнийг бүрэн эмчлэх мэтээр сурталчилж төөрөгдүүлжээ. Аливаа эрүүл мэндийн ач тустай гэж сурталчилж буй бүтээгдэхүүнийг дур мэдэн хэрэглэхээс өмнө мэргэшсэн эмчээс зөвлөгөө аваарай.

GLP-1 эмийг ихэвчлэн тарилга хэлбэрээр хэрэглэдэг ба эмчийн заавар, жорын дагуу 2-р хэлбэрийн чихрийн шижин, таргалалт өвчний үед хэрэглэдэг. Харин шалгасан мэдээлэлд сурталчилсан GLP-1 гэж тэмдэглэсэн нэмэлт бүтээгдэхүүн нь баталгаагүй хуурамч бүтээгдэхүүн юм.

Өндөг нь шим тэжээлээр баялаг тул хүүхдийн тархины хөгжилд эергээр нөлөөлдөг гэдгийг олон төрлийн судалгаагаар дэмждэг ч “ой санамж сайтай, суралцах чадвар хурдан хүүхэд төрнө” гэдгийг нярайн судалгаагаар баталсан клиник туршилт байхгүй. Түүнчлэн зарим төрлийн судалгаагаар жирэмсэн үедээ их хэмжээний өндөг идэх нь хэт том нярай төрөх эрсдэлийг нэмэгдүүлдэг гэдгийг харуулжээ. 

“Kanyehb Quit Smoking Cream” гэх бүтээгдэхүүн нь тамхинаас гарахад үр дүнтэй эсэхийг батлах шинжлэх ухааны нотолгоо, клиник судалгаа одоогоор байхгүй байна. Мөн бүтээгдэхүүнийг “Японы брэнд” гэж сурталчилж байгаа ч онлайн худалдааны сайтад гарал үүсэл нь Хятад хэмээн тэмдэглэгдсэн байна.

Nitasora бүтээгдэхүүн нь Вьетнам улсад эм бус хоолны нэмэлт тэжээл ангиллаар худалдаалагддаг. Харин Монголд өвчнийг бүрэн эмчлэх эм мэтээр сурталчилж төөрөгдүүлж байна. Ингэхдээ хуурамч хаяг, сайт ашиглан бүтээгдэхүүний бодит үнээс хэд дахин багаар худалдаалж буй нь хуурамч бүтээгдэхүүн эсвэл залилан болохыг илтгэж байна.

Бүх төрлийн тамхины үнийг нэг дор шууд 3-4 дахин нэмэх гэж байгаа биш, харин электрон тамхинд утаат тамхитай адил 30 хувийн гаалийн албан татвар ногдуулахаар тусгасан. Тиймээс 2026 оноос эхлэн гаалийн болон онцгой албан татвар төлдөггүй байсан электрон тамхинд /1 мл тутамд/ 837-930 төгрөгийн ОАТ болон утаат тамхитай ижил 30 хувийн гаалийн албан татвар төлж эхэлнэ. Энэ зохицуулалт үе шаттайгаар нэмэгдэхээр тусгасныг анхаарах хэрэгтэй юм.

Шалгасан мэдээлэлд харуулсан бүтээгдэхүүний үйлдвэрлэгч тодорхойгүй ба хэдий олон төрлийн ургамал агуулсан гэсэн боловч ямар ч албан ёсны мэдээлэл байхгүй байна. Мөн мэдээлэлд дурдагдсан ургамлуудыг тус тусад нь ханд, тос хэлбэрээр ашиглаж жин хасахад тодорхой хэмжээний нөлөөтэйг харуулсан судалгаа бий ч нэг дор цай хэлбэрээр ашиглах нь үр дүнтэй эсэх, сөрөг нөлөө бий эсэхийг харуулсан судалгаа огт байхгүй юм

Монгол Улсад 2025 оны томуугийн улиралд ашиглаж буй БНСУ-ын 4 цэнт вакцинуудад тиомерсал бодис агуулагдаагүй. Мөн олон улсын эрүүл мэндийн байгууллагууд тиомерсал агуулсан вакцин аутизмтай холбоогүй тухай мэдээлсэн. Шалгасан мэдээлэлд 15 жилийн өмнөх вакцины мэдээллийг оруулж, мөн вакцинд ашиглагддаггүй бодисын тайлбар зургийг нийтэлж төөрөгдүүлжээ.

Газар дор уусган олборлолт нь газрын гүний усанд шууд хүчлийг уусгадаггүй, харин дундажаар 0.4–2%-ийн концентрацтай хүхрийн хүчилтэй уусмалыг устай элсэн давхарга руу шахаж ураныг уусган авдаг. Энэ үйл явц битүү цикл орчинд явагддаг бөгөөд олборлолтын дараа үлдсэн хүхрийн хүчлийг саармагжуулах арга хэмжээ авч, гүний усны чанарт тогтмол хяналт тавьснаар аюулгүй ажиллагааг хангах боломжтой.

С, D витамин нь ханиад томууны эсрэг үр дүнтэйг судалгаагаар баталсан ч өндөр тунгаар уувал сөрөг үр нөлөө үзүүлдэг аж. Иймд өөрийн хэрэглэвэл зохих тунг мэргэжлийн эмчээс зөвлөгөө авч байж хэрэглээрэй.

“Эко хүүхдийн төлөө нэгдье” гэх хэвлэлийн бага хурал нь вакцин эсэргүүцэгчдийн байнга түгээдэг худал, батлагдаагүй мэдээллийг дахин давтаж, олон нийтийг төөрөгдүүлжээ.