Гол усанд машинаа угаавал 7.2 сая төгрөгөөр торгож, жолоодох эрхийг 12 жилээр хасдаг болсон гэх мэдээлэл ХУДАЛ

[Худал] 2022 оны 06 дугаар сарын 15 - нд Буянтогтохын Отгонбаяр нэртэй хэрэглэгчийн хаягаас “Гол усанд машинаа угаавал 100,000-аар торгодог байсан бол одоо 7,200,000 төгрөгөөр торгож, жолоодох эрхийг 12 жилээр хасдаг болсон байна” гэх тайлбартай постыг оруулж усан дээрх рестораны бичлэг оруулсан нь 06 дугаар сарын 15-ны 20:22 минутын байдлаар 244 реакц, 25 сэтгэгдэл авч, 91 удаа цааш түгээсэн байна.

#FactCheckedByMFCC

🔍Бид дараах байдлаар баримт шалгалт хийлээ.

Уг мэдээллийн үнэн бодитой эсэхийг тодруулахаар Экологийн цагдаагийн албатай холбогдон хуулийн заалтад өөрчлөлт оруулсан эсэхийг, мөн одоо мөрдөгдөж байгаа журмыг лавлан баталгаажуулсан. ecological@police.gov.mn сайт руу имэйлээр холбогдон нэмэлтээр 7019-1071 утсаар лавлав.

Энэхүү заалт нь 2017 оны 5 дугаар сарын 11-ний өдөр батлагдсан бөгөөд хүчин төгөлдөр мөрдөгдөж байна. 📌Мөн Экологийн цагдаагийн албаны 7019-1071 дугаарын утсаар лавлахад “Голд машинаа угаасан иргэнийг 100 мянган төгрөгөөр торгох хуулийн зохицуулалт хэвээр үйлчилж байгаа” гэв.

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Аливаа мэдээллийг түгээхээсээ өмнө #Эхлээдбод     #Thinkfirst