Үхсэн малын махыг будганд оруулаад өндөр үнэтэй зардаг хятад иргэдийг цагдаагийнхан саатуулсан гэх мэдээлэл #ХУДАЛ

[Худал] 2022 оны 05 дугаар сарын 15-нд 9.9 мянган гишүүнтэй “Ерөнхий сайд Д.Оюун-Эрдэнийг дэмжих групп” нэртэй паблик группэд “Үхсэн малын махыг будганд оруулаад буцаагаад өндөр үнэтэй зардаг хятад иргэдийг өчигдөр орой цагдаагийнхан саатуулсан байна” гэх мэдээлэл оруулсан нь 05 дугаар сарын 16-ны байдлаар 533 реакц, 153 сэтгэгдэл авч, 869 удаа цааш түгээсэн байна.

#FactCheckedByMFCC

🔍 Бид дараах байдлаар баримт шалгалт хийлээ.

📌ЦЕГ-ын Хэвлэл мэдээллийн төвөөр дамжуулан холбогдох тодруулахад, “Холбогдох харьяалсан нутаг дэвсгэрийн цагдаагийн байгууллага буюу СХД дэх цагдаагийн газраас уг асуудлыг тодруулахад хэн нэгэн иргэнийг саатуулсан зүйл байхгүй. Харин мэргэжлийн хяналтын байгууллагаас холбогдох шалгалтыг хийж, лацдаад явсан гэх тайлбарыг ирүүлж байна” гэсэн хариу өгсөн юм.

👉Уг мэдээлэл нь Эмээлт дэх мах боловсруулах үйлдвэрийн нөхцөл байдалтай холбоотой бөгөөд яг одоо шалгалтын процесс үргэлжилж байгаа тул холбогдох бусад мэдээллийг цувралаар шалган хүргэх болно.

Та бүхэн манай төвийн баримт нягталсан мэдээтэй холбоотой аливаа санал хүсэлт, залруулга хийлгэх болон бусад санал гомдлоо редакторын hello@mfcc.mn имэйл хаягаар ирүүлнэ үү.

Аливаа мэдээллийг түгээхээсээ өмнө #Эхлээдбод     #Thinkfirst